తెలంగాణ రాజధాని హైదరాబాద్ లో మండు వేసవిని దృష్టిలో పెట్టుకుని విధులు నిర్వర్తించే ట్రాఫిక్ పోలీసులకు సమ్మర్ కిట్లు అందజేశారు. భానుడి భగభగలను తట్టుకుంటూనే రోడ్లపై నిలుచుని విధులు నిర్వర్తించాల్సిన ట్రాఫిక్ పోలీసుల రిలీఫ్ కోసం ఈ కిట్లు ఉపయోపడతాయని తెలంగాణ ప్రభుత్వం భావిస్తోంది.
ఈ కిట్ లో మంచినీళ్ల సీసా, మజ్జిగ ప్యాకెట్, కాలర్ లైట్, చలువ కళ్లద్దాలు, ముక్కుకు ధరించే మాస్క్, రిఫ్లెక్టివ్ జాకెట్, గ్లూకోన్-డి ప్యాకెట్, కూలింగ్ వెస్ట్ ఉంటాయి. మొత్తం 2,400 మంది ట్రాఫిక్ పోలీసులకు ఈ సమ్మర్ కిట్లు పంపిణీ చేశారు.