జబర్దస్త్ షో తో కమెడియన్ గా పరిచయమైన సుధీర్ హీరోగా మరి ప్రస్తుతం సినిమాల్లో నటిస్తున్న విషయం తెలిసిందే. ఇప్పటికే “సాఫ్ట్ వేర్ సుధీర్” సినిమాతో ప్రేక్షకుల ముందుకు వచ్చిన సుధీర్ తాజాగా రాజశేఖర్ రెడ్డి పులిచర్ల దర్శకత్వంలో ఓ సినిమాకు గ్రీన్ సిగ్నల్ ఇచ్చాడు. ఈ సినిమా ఇటీవల పూజ కార్యక్రమాలతో ప్రారంభం అయ్యింది. సాంబశివ ఆర్ట్ క్రియేషన్స్ బ్యానర్‌పై ప్రముఖ నిర్మాత అంజన్ బాబు నిమ్మల ఈ చిత్రాన్ని నిర్మిస్తున్నారు. కాగా ఈ చిత్ర రెగ్యులర్ షూటింగ్ సెప్టెంబర్ మొదటివారం నుంచి ప్రారంభం కాబోతోంది. సుధీర్ గతంలో హీరోగా చేసిన ‘సాఫ్ట్ వేర్’ సుధీర్ సినిమాకు కూడా రాజశేఖర్ రెడ్డి పులిచర్లనే దర్శకత్వం వహించారు. ఈ సందర్భంగా దర్శకుడు మాట్లాడుతూ.. హీరో సుధీర్, నా కాంబినేషన్‌లో రాబోతోన్న రెండో సినిమా ఇది. రొమాంటిక్ కామెడీ ఎంటర్‌టైనర్‌గా తెరకెక్కనుంది. సప్తగిరి ఓ ప్రత్యేక పాత్రలో నటించనున్నారు. చక్కటి సంగీతం, యూత్‌ని ఆకట్టుకునే పాటలు, అదిరిపోయే కామెడీ పంచ్‌లు హైలెట్‌గా ఈ చిత్రం రూపుదిద్దుకోనుందని అని తెలిపారు.
సెప్టెంబర్ సుడిగాలి సుధీర్ కొత్త చిత్రం ప్రారంభం
