పవర్ స్టార్ పవన్ కళ్యాణ్ ప్రస్తుతం ‘వకీల్ సాబ్’ షూటింగ్‌లో బిజీగా ఉన్న సంగతి తెలిసిందే. ప్రస్తుతం జరుగుతోన్న షెడ్యూల్‌తో ‘వకీల్ సాబ్’ సినిమా చాలా వరకు పూర్తవుతుంది. వేణు శ్రీరామ్ దర్శకత్వం వహిస్తోన్న ఈ సినిమాలో నివేదా థామస్ కీలక పాత్ర పోషిస్తున్నారు. అంజలి, అనన్య నాగళ్ల, ప్రకాష్ రాజ్, వీకే నరేష్, సుబ్బరాజు, అనసూయ ముఖ్య పాత్రల్లో నటిస్తున్నారు. శృతి హాసన్ అతిథి పాత్రలో కనిపించనున్నారు. పి.ఎస్. వినోద్ సినిమాటోగ్రఫీ అందిస్తోన్న ఈ చిత్రానికి ఎస్. తమన్ సంగీతం సమకూరుస్తున్నారు. హిందీ హిట్ మూవీ ‘పింక్’కు రీమేక్‌గా వస్తోన్న ఈ సినిమాను దిల్ రాజు, బోనీ కపూర్ సంయుక్తంగా నిర్మిస్తున్నారు. ఇక హైదరాబాద్‌లోని ఓ స్టూడియోలో వేసిన కోర్టు సెట్‌లో పవన్ కళ్యాణ్‌పై సన్నివేశాలు చిత్రీకరిస్తున్నారు. నిన్న మొన్నటి వరకు గుబురు గెడ్డంతో కనిపించిన పవన్ కళ్యాణ్ స్మార్ట్ లుక్ నిన్న సోషల్ మీడియాలో వైరల్ అయిన సంగతి తెలిసిందే. ‘వకీల్ సాబ్’తో శ్రీముఖి దిగిన ఫొటో సోషల్ మీడియాలో విపరీతంగా చక్కర్లు కొడుతోంది. ‘వకీల్ సాబ్’ షూటింగ్ జరుగుతున్న స్టూడియోలోనే ‘బొమ్మ అదిరింది’ షో చిత్రీకరణ కూడా జరుగుతున్నట్టుంది. దీంతో ఆ షోకు యాంకర్‌గా వ్యవహరిస్తోన్న శ్రీముఖి, న్యాయనిర్ణేతగా ఉన్న జానీ మాస్టర్, కమెడియన్ పొట్టి రియాజ్ పవన్ కళ్యాణ్‌ను కలిశారు. ఆయనతో ఫొటోలు దిగారు. ఈ ఫొటోలను సోషల్ మీడియాలో పోస్ట్ చేశారు. పవన్ కళ్యాణ్‌తో దిగిన ఫొటో, తీసుకున్న సెల్ఫీని ట్వీట్ చేసిన శ్రీముఖి “ఏం టైప్ చేయాలో నాకు తెలియడం లేదు. పవన్ కళ్యాణ్ సార్ లవ్ లవ్ లవ్” అని పేర్కొన్నారు.
Ok I don’t know what to type! ❤️@PawanKalyan sir LOVE LOVE LOVE! #Powerstar pic.twitter.com/A0g5UMYnzF
— SreeMukhi (@MukhiSree) November 4, 2020
మరోవైపు జానీ మాస్టర్ కూడా పవన్ కళ్యాణ్‌తో ఫొటో దిగి ట్వీట్ చేశారు. ‘‘మన ‘వకీల్ సాబ్’ పవర్ స్టార్ పవన్ కళ్యాణ్ అన్నని ఈరోజు అనుకోకుండా కలిశాను. కాసేపు ఆయనతో గడపడం చాలా ఆనందంగా ఉంది’’ అని జానీ మాస్టర్ పేర్కొన్నారు. ఇక రియాజ్ అయితే పవన్ కళ్యాణ్ పక్కన ఇనుప కుర్చీలో కూర్చొని ఫొటో దిగాడు. చాలా వినమ్రంగా పవర్ స్టార్ పక్కన రియాజ్ కూర్చున్నాడు.
Met our #VakeelSaab Power✨ @PawanKalyan Anna unexpectedly today 🤩
Super happy to share his vibrance for a while 🙏😇 pic.twitter.com/12iXFEWGzZ
— Jani Master (@AlwaysJani) November 4, 2020