ప్రముఖ సింగర్ చిన్మయి శ్రీపాద ఇరవై ఏళ్ల క్రితం ప్రముఖ లిరిసిస్ట్ వైరాముత్తు తనను లైంగికంగా వేధించాడని ఏడాదిన్నర క్రితం షాకింగ్ ఆరోపణలు చేసారు. కానీ ఆమెకు న్యాయం జరగకపోగా నష్టం జరిగింది. వైరాముత్తు పలుకుబడి ఉన్నవాడు కావడంతో చిన్మయిని డబ్బింగ్ యూనియన్ నుంచి తొలగించేసారు. పోలీసులకు చేసిన ఫిర్యాదును వెనక్కి తీసుకోవాలని బెదిరింపులకు పాల్పడ్డారు. ఫిర్యాదు చేసి ఏడాదిన్నర కావొస్తున్నా వైరామత్తు దర్జాగా తిరుగుతున్నాడు. ఈ నేపథ్యంలో డబ్బింగ్ యూనియన్ అధ్యక్ష పదవిని పోటీ చేయాలని చిన్మయి నిర్ణయించుకున్నారు. నామినేషన్ కూడా వేయాలనుకున్నారు. కానీ వైరాముత్తు, నటుడు రాధా రవి ఆమెను నామినేషన్ వేయకుండా చేసారు. అంతేకాదు లైంగిక వేధింపులు ఎదుర్కొన్న సింగర్ కార్తిక్‌కి మాత్రం డబ్బింగ్ యూనియన్‌లో చోటు దక్కింది. ఈ సందర్భంగా చిన్మయి ప్రముఖ గాయకుడు మనో గురించి షాకింగ్ విషయం బయటపెట్టారు. “ఓసారి మనో గారు నాకు ఫోన్ చేసారు. కార్తిక్‌పై ఆరోపణలు చేసిన అమ్మాయిలను తీసుకుని తన ఇంటికి రావాలి అన్నారు. ఆయన న్యాయం చేస్తారనుకున్నా కానీ రాజీకి రావాలని చెప్పారు. అందరికీ కుటుంబాలు ఉన్నాయని, కార్తిక్ కూడా కష్టపడి కెరీర్‌లో ఎదిగాడని అన్నారు. నిజమే. కార్తిక్ కూడా నాలాగే ఎలాంటి బ్యాగ్రౌండ్ లేకుండా మంచి స్థాయికి వచ్చాడు. ఓగాయకుడిగా కార్తిక్ అంటే నాకు గౌరవం ఉంది. కాకపోతే నాకు కార్తిక్‌కి ఉన్న తేడా ఏంటంటే.. నాకు పేరు రాగానే దానిని అడ్డం పెట్టుకుని మరొకరిని లైంగికంగా హింసించలేదు. ఏదైతేనేం. గత ఏడాదిన్నరలో నేను ఎన్నో గుణపాఠాలు నేర్చుకున్నాను. ఎవరిని గౌరవించాలో తెలిసొచ్చింది. వాళ్లంతా గొప్ప గాయకులే. అందులో ఏమాత్రం సందేహం లేదు. కాకపోతే గొప్ప మగాళ్లు మాత్రం కారు” అని పేర్కొంటూ మనో తమిళంలో మాట్లాడుతున్న వీడియోను పోస్ట్ చేసారు.
Revelations in the recent past. pic.twitter.com/WkoDuh4D2P
— Chinmayi Sripaada (@Chinmayi) February 9, 2020
‘మా’ ఎన్నికలపై రోజా స్పందన