ఎన్టీఆర్- త్రివిక్రమ్ కాంబోలో గతంలో వచ్చిన ‘అరవింద సమేత’ మూవీ అభిమానులను అలరించింది. ఇప్పుడు ఇదే కాంబో మరోసారి రిపీట్ కానుండటం ప్రేక్షకుల్లో అంచనాలు పెంచుతోంది. హారిక అండ్ హాసిని బ్యానర్‌తో పాటు ఎన్టీఆర్ ఆర్ట్స్ సంయుక్తంగా నిర్మించబోతోన్న ఈ సినిమాలో ఇద్దరు హీరోయిన్లకు స్కోప్ ఉన్నట్లు తెలుస్తోంది. అయితే ఫస్ట్ హీరోయిన్‌గా పూజా హెగ్డే, కియారా అద్వానీ, జాన్వీ కపూర్ పేర్లను పరిశీలించిన త్రివిక్రమ్ ఫైనల్‌గా కమల్ హాసన్ కూతురు శృతి హాసన్ వైపు మొగ్గు చూపారనేది లేటెస్ట్ టాక్. ఈ మేరకు ఆమెతో సంప్రదింపులు కూడా చేస్తున్నారని తెలుస్తోంది. ఈ లాక్‌డౌన్ ఫినిష్ కాగానే షూటింగ్ ప్రారంభించి వచ్చే ఏడాది వేసవిలో ఈ చిత్రాన్ని విడుదల చేయాలని త్రివిక్రమ్ ప్లాన్ చేస్తున్నారట. అందుకు అనుగుణంగానే ఎన్టీఆర్ నుంచి, శృతి హాసన్ నుంచి డేట్స్ అడిగారని సమాచారం. అప్పట్లో ఎన్టీఆర్‌తో ‘రామయ్యా వస్తావయ్యా’ సినిమాలో రొమాన్స్ చేసింది శృతి హాసన్.
ఎన్టీఆర్ కు జోడిగా శృతి హాసన్… ఫైనల్ చేసిన త్రివిక్రమ్
