telugu navyamedia
సినిమా వార్తలు

ఆర్యన్‌ను జైల్లో కలుసుకున్న షారుక్‌..

బాలీవుడ్ అగ్ర హీరో షారుక్​ఖాన్.. ముంబై క్రూజ్‌ నౌక డ్రగ్స్‌ కేసులో అరెస్ట్ అయిన తన కుమారుడు ఆర్యన్​ఖాన్​ను కలిసేందుకు తొలిసారి జైలుకు వెళ్లారు. ముంబయిలోని ఆర్థర్​ రోడ్ జైల్లో ఉన్న కొడుకు కోసం ఆర్దర్ రోడ్ జైలుకెళ్లి, అక్కడ ఆర్యన్ తో కొద్దిసేపు మాట్లాడి తిరిగి వెళ్లిపోయారు. ఈ కేసులో ఇప్పటికే ఆర్యన్‌ బెయిల్‌ పిటిషన్‌ను మూడుసార్లు తిరస్కరించింది కోర్టు.

అక్టోబర్‌ 3న గోవాకు చెందిన క్రూజ్‌ నౌకలో ఎన్​సీబీ అధికారులు జరిపిన దాడుల్లో ఆర్యన్‌ ఖాన్‌, మూన్‌మూన్‌ ధామేచ, అర్బాజ్‌ మెర్చంట్‌ సహా ఎనిమిది మందిని అరెస్ట్ చేశారు. ఈ దాడిలో పోలీసులు నిషేధిత డ్రగ్స్‌ను స్వాధీనం చేసుకున్నారు. వీరిని కొన్నిరోజుల క్రితం కోర్టులో హాజరు పరచగా.. తదుపరి దర్యాప్తు నిమిత్తం ఎన్సీబీకి అప్పగించింది.

Shah Rukh Khan Visits Arthur Road Jail To Meet His Son Aryan Khan - Sakshi

ఆ కస్టడీ ముగియడం వల్ల మరోసారి నిందితులను అధికారులు కోర్టులో హాజరుపరచగా.. ఆర్యన్‌ సహా ఎనిమిది మందికి న్యాయస్థానం జ్యుడీషియల్‌ కస్టడీ విధించింది. అప్పటినుంచి వారందరూ జైలులో ఉన్నారు. అరెస్ట్‌ అయినప్పటి నుంచి ఆర్యన్‌ పలుమార్లు బెయిల్‌ కోరుతూ పిటిషన్‌ దాఖలు చేయగా.. ఈ కేసు విచారిస్తోన్న ప్రత్యేక న్యాయస్థానం మాత్రం ఆర్యన్‌ అభ్యర్థనను తోసిపుచ్చుతూ వస్తోంది.

Related posts