మెగాస్టార్ చిరంజీవి ప్రస్తుతం కొరటాల శివ దర్శకత్వంలో “ఆచార్య” అనే సినిమాలో నటిస్తున్న విషయం తెలిసిందే. ఈ సినిమాని మ్యాట్నీ ఎంటర్టైన్మెంట్, కొణిదెల ప్రొడక్షన్ కలిసి సంయుక్తంగా నిర్మిస్తున్నాయి. మణిశర్మ సంగీతం అందిస్తున్నాడు. ఇది చిరంజీవికి 152 వ చిత్రం కావడం విశేషం.. ఈ సినిమా తరవాత చిరంజీవి తన తదుపరి చిత్రాన్ని ఇప్పటికే అనౌన్స్ చేసిన సంగతి తెలిసిందే.. మలయాళంలో మంచి హిట్ అయిన ‘లూసిఫర్’ సినిమాని చిరంజీవి తెలుగులో రీమేక్ చేయనున్నారు. ఈ రీమేక్ లో హీరోయిన్ ఎవరన్నది ఇంకా తేలలేదు. ఇకపోతే కీలక పాత్ర పోషించేందుకు సీనియర్ నటి సుహాసినిని ఎంచుకున్నట్లు సమాచారం. ‘సాహో’ ఫేం సుజీత్ దీనికి దర్శకత్వం వహించనున్నారు. ప్రస్తుతం ప్రీ ప్రొడక్షన్ పనులు ముమ్మరంగా జరుగుతున్నాయి.
మెగాస్టార్ సినిమాలో సీనియర్ నటి కీలకపాత్ర
