“ఆదిపురుష్” టైటిల్ ప్రకటన 7:11 గంటలకే ఎందుకంటే ?

యంగ్ రెబల్ స్టార్ ప్రభాస్ హీరోగా, ప్యాన్ ఇండియా మూవీగా ఓం రావుత్ దర్శకత్వంలో తెరకెక్కనున్న కొత్త చిత్రం టైటిల్ ‘ఆదిపురుష్’… ‘మంచిపై చెడు సాధించిన విజయం’ అంటూ క్యాప్షన్ కూడా కనిపిస్తుంది. అంటూ విభిన్నంగా కనిపించే లోగోను నిన్న ఉదయం 7 గంటలా 11 నిమిషాలకు చిత్ర యూనిట్ ప్రకటించిన సంగతి తెలిసిందే. దీన్ని తెలుగు, హిందీ భాషల్లో రూపొందించి, కన్నడ, తమిళ, మలయాళ భాషల్లో డబ్బింగ్ చేసి రిలీజ్ చేస్తామని ఇప్పటికే నిర్మాతలు ప్రకటించిన సంగతి తెలిసిందే. ఇక ఈ సినిమా టైటిల్ ముహూర్తం 7:11కే ఎందుకన్న విషయమై, నెట్టింట ఓ ఆసక్తికరమైన పోస్ట్ తెగ చక్కర్లు కొడుతోంది. మహావిష్ణువు దశావతారాల్లో శ్రీరాముని అవతారం ఏడవదన్న సంగతి అందరికీ తెలిసిందే. ఈ సంవత్సరానికి శ్రీరాముడు జన్మించి 11 వేల సంవత్సరాలు అయ్యాయని చరిత్రలోని గణాంకాలు చెబుతున్న వేళ, 7వ విష్ణుమూర్తి అవతారం, 11 వేల ఏళ్ల వయసును దృష్టిలో ఉంచుకునే ఉదయం 7 గంటలా 11 నిమిషాలకు టైటిల్ ను ప్రకటించారని నెటిజన్లు అంటున్నారు.