కంటెంట్ ఉన్న కథల్ని ఎంచుకుంటూ తనదైన శైలిలో నటిస్తూ ప్రేక్షకాభిమానం సొంతం చేసుకుంటున్న సత్యదేవ్ త్వరలో కొత్త సినిమా తో ప్రేక్షకుల ముందుకు రాబోతున్నాడు. సత్యదేవ్ నటించిన ఉమామహేశ్వర ఉగ్రరూపస్య.. 47 డేస్ తో పాటు మరికొన్ని సినిమాలను కూడా ఈ లాక్ డౌన్ టైమ్ లోనే సత్యదేవ్ ప్రేక్షకుల ముందుకు తీసుకువచ్చాడు. ఈ సమయంలోనే మరో కొత్త సినిమాకు సత్యదేవ్ ప్రారంభించాడు. తిమ్మరుసు అనే సినిమాలో సత్యదేవ్ హీరోగా నటిస్తున్నాడు.తిమ్మరుసు టైటిల్ కు అసైన్ మెంట్ వాలి అనేది ట్యాగ్ లైన్. అయితే ఈ సినిమాను మే 21న విడుదల చేస్తున్నారు. ఈస్ట్కోస్ట్ ప్రొడక్షన్స్ బ్యానర్ పై మహేశ్ కోనేరుతో పాటు ఎస్ ఒరిజినల్స్ బ్యానర్పై సృజన్ ఎరబోలు ఈ చిత్రాన్ని నిర్మిస్తున్నారు. అయితే విభిన్నమైన కథతో ఈ సినిమాను రూపొందిస్తున్నట్లుగా చిత్ర యూనిట్ సభ్యులు చెబుతున్నారు. సత్యదేవ్ ఇమేజ్ కు తగ్గట్లుగా ఈ సినిమా ఉంటుందట. శరణ్ కొప్పిశెట్టి దర్శకత్వం వహిస్తున్నారు. ‘తిమ్మరుసు’ సినిమా చిత్రీకరణంతా పూర్తి చేసుకుందని, ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయని తెలుస్తుంది.
previous post
తెలుగు రాష్ట్రాలకు వీడనున్న ‘చంద్ర’ గ్రహణం: బీజేపీ నేత లక్ష్మణ్