“సర్కార్ వారి పాట” రికార్డుల మోత

సూపర్ స్టార్ మహేష్ బాబు సూపర్ ఈ ఏడాది ‘సరిలేరు నీకెవ్వరు’ అంటూ ప్రేక్షకుల ముందుకు వచ్చారు. తాజాగా మహేష్ బాబు ‘సర్కారు వారి పాట’తో ప్రేక్షకుల ముందుకు రాబోతున్నారు. నిన్న (మే 31) సూపర్ స్టార్ కృష్ణ పుట్టిన రోజు కానుకగా ఈ మూవీ ప్రీ లుక్ రిలీజ్ చేస్తూ అధికారికంగా టైటిల్ ప్రకటించింది చిత్రయూనిట్. మైత్రీ మూవీ మేకర్స్, జీఎమ్‌బీ ఎంటర్‌టైన్మెంట్, 14 రీల్స్ ప్లస్ బ్యానర్లపై నవీన్ యెర్నేని, వై.రవిశంకర్, రామ్ ఆచంట, గోపి ఆచంట నిర్మిస్తున్న ఈ చిత్రానికి ‘గీతగోవిందం’ ఫేమ్ పరశురామ్ దర్శకత్వం వహిస్తున్నారు. సరికొత్త లుక్ లో ఉన్న ఈ ప్రీ లుక్ పోస్టర్ సోషల్ మీడియాలో వైరల్‌గా మారి 24 గంటల్లోనే రికార్డుల మోత మోగించింది. విడుదలైన తొలి 24 గంటల్లోనే ఎక్కువ రీ ట్వీట్స్ చేయబడిన ప్రీ లుక్ పోస్టర్‌గా, అలాగే ఎక్కువ లైక్స్ సంపాదించిన ప్రీ లుక్ పోస్టర్‌గా రికార్డు సృష్టించింది. అంతేకాదు ఎక్కువ మంది నెటిజన్స్ ఉపయోగించిన టైటిల్ ట్యాగ్ పరంగాను సత్తా చాటుతూ రికార్డుల ‘వేలం పాట’ మొదలైందని గంట కొట్టి చాటి చెప్పింది. ఇది చూసి సూపర్ స్టార్ అభిమానుల్లో నూతనోత్సాహం చిగురించింది. పండగ చేసుకుంటూ సూపర్ స్టార్ సత్తా అంటే ఇదీ మరీ అంటూ కామెంట్స్ చేస్తున్నారు.

#SarkaruVaariPaata becomes
Most Retweeted Pre Look 💥
Most Liked Pre Look 💥
Most Tweeted Title Tag 💥
( In 24 hours )

రికార్డుల ‘వేలం పాట’ మొదలు 🔔

Super ⭐ @urstrulyMahesh @ParasuramPetla @MusicThaman @MythriOfficial @gmbents @14ReelsPlus pic.twitter.com/dTILYQO3Ac

— BARaju (@baraju_SuperHit) June 1, 2020