సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ కాంబినేషన్ లో మూడో సినిమా పట్టాలెక్కబోతోంది. ఈ ప్రాజెక్టుకు సంబంధించి ఇదివరకే అఫీషియల్ అనౌన్స్ మెంట్ ఆల్రెడీ జరిగిపోయింది.
ప్రస్తుతం మహేశ్ ‘సర్కారువారి పాట’ సినిమా షూటింగ్ లోనూ, త్రివిక్రమ్ పవర్ స్టార్ ‘భీమ్లా‌నాయక్’ చిత్రం షూటింగ్ బిజీలోనూ ఉన్నారు. అతి త్వరలో ఈ ఇద్దరి కలయికలో సినిమా ప్రారంభం కాబోతోంది. ఈ సినిమాలు అయిపోగానే వీరిద్దరి కలయికతో సినిమా షూటింగ్ ప్రారంభం కాబోతోంది.
ఈ మూవీ సిస్టర్ సెంటిమెంట్తో రూపొందనుందని తెలిసింది. హీరో చెల్లెలు పాత్ర సినిమాకి చాలా కీలకం కానుందట . అందుకే మహేశ్కు సోదరిగా సాయిపల్లవిని తీసుకోవాలని చిత్రబృందం భావిస్తోందని టాక్ వినిపిస్తుంది
అయితే ఇదివరకు మెగాస్టార్ చిరంజీవి ‘భోళాశంకర్’ చిత్రంలో చిరుకు సోదరిగా నటించే ఛాన్స్ వచ్చినప్పటికీ రీమేక్స్ చేయకూడదని డిసైడయ్యానని, అందుకే తనకొచ్చిన ఆఫర్ ను తిరస్కరించానని సాయిపల్లవే స్వయంగా చెప్పింది. మరి మహేశ్కు చెల్లిలిగా నటించడానికి ఎలాంటి అభ్యంతరాలు ఉండవనే ప్రచారం సాగుతోంది. మరి సాయిపల్లవి నిజంగానే మహేశ్ కు చెల్లెలిగా నటించబోతుందేమో చూడాలి.
ఇక ఈ సినిమాలో పూజాహెగ్డే హీరోయిన్గా నటించనుంది. మరో కథానాయికను ఎంపిక చేసే ప్రక్రియలో చిత్రబృందం ఉందని తెలిసింది. ఈ సినిమా రెగ్యులర్ షూటింగ్ ఏప్రిల్ నుంచి ప్రారంభంకానుందట. మొదటి షెడ్యూల్ లో మహేశ్ బాబుపై ఒక సాంగ్, ఫైట్ చిత్రీకరిస్తారట.
ఇక పదకొండు సంవత్సరాల తరువాత మహేష్ – త్రివిక్రమ్ కలయికలో సినిమా వస్తుండే సరికి ఈ సినిమా పై అభిమానుల్లో భారీ అంచనాలు ఉన్నాయి.