రన్ రాజా రన్ ఫేం సుజీత్ తెరెకెక్కిస్తున్న ‘సాహో’ చిత్రం హై వోల్టేజ్ యాక్షన్ ఎంటర్టైనర్గా భారీ బడ్జెట్తో తెరకెక్కుతుంది. తెలుగు, హిందీ, తమిళ భాషలలో విడుదల కానున్న ఈ చిత్రానికి సంబంధించి కొద్ది రోజులుగా ఎలాంటి అప్డేట్స్ లేకపోవడంతో ఫ్యాన్స్లో సినిమాపై ఆసక్తి మరింత పెరుగుతూ పోతుంది. ఆ మధ్య షేడ్స్ అఫ్ సాహో చాప్టర్ 1 అంటూ సాహో చిత్ర బృందం ఓ వీడియో విడుదల చేసింది. ఈ వీడియో అభిమానుల ఆనందాన్ని పీక్ స్టేజ్కి తీసుకెళ్లింది.
ఇక చిత్రంలో కథానాయికగా నటిస్తున్న శ్రద్దా కపూర్ బర్త్డే మార్చి 3న కావడంతో ఆ రోజు సాహో టీం శ్రద్ధాకి బర్త్డే విషెస్ తెలియజేస్తూ ఓ వీడియో విడుదల చేయనుందని సమాచారం. యూవీ క్రియేషన్స్ నిర్మిస్తున్న ఈ చిత్రానికి శంకర్ ఎహసాన్ లాయ్ సంగీతం అందిస్తున్నారు. ఈ చిత్రంలో జాకీ ష్రాఫ్, నీల్నితిన్ ముఖేష్, అరుణ్ విజయ్, మురళీ శర్మ, మలయాళం యాక్టర్ లాల్ కీలక పాత్రలు పోషిస్తున్నారు. స్వాతంత్య్ర దినోత్సవ శుభాకాంక్షలతో ఆగస్ట్ 15న ఈ చిత్రాన్ని విడుదల చేయనున్నారని టాక్.