మెగా పవర్స్టార్ రామ్ చరణ్, యంగ్టైగర్ ఎన్టీఆర్ కలిసి నటించిన చిత్రం ఆర్ ఆర్ ఆర్. దర్శకధీరుడు రాజమౌళి ప్రతిష్ఠాత్మకంగా తెరకెక్కించిన ఈ మూవీ ప్రపంచవ్యాప్తంగా తెలుగు, తమిళ, కన్నడ, హిందీ, మలయాళ ఐదు భాషల్లో మార్చి 25న ప్రేక్షకుల ముందుకు రానుంది.
ప్రమోషన్స్ లో భాగంగా జక్కన్న, తారక్, చరణ్ ప్రస్తుతం స్పెషల్ ఇంటర్వ్యూలు బిజీబిజీగా ఉన్నారు. అందులో భాగంగా ఓ భారీ ఈవెంట్కి ప్లాన్ చేశారు రాజమౌళి. అభిమానులు ఎప్పుడెప్పుడా అని ఎదురు చూస్తున్న ఆర్ఆర్ఆర్’ ప్రీ రిలీజ్ ఈవెంట్ పై మేకర్స్ క్లారిటీ ఇచ్చారు.
మార్చి 19న బెంగళూరులోని చిక్కబల్లాపూర్లో ఆర్ఆర్ఆర్’ ప్రీ రిలీజ్ ఈవెంట్ గ్రాండ్గా జరగనుంది. అంతేకాకుండా ఈ ఈవెంట్కు కర్ణాటక సీఎం బసవరాజ్ బొమ్మై, స్టార్ హీరో శివరాజ్కుమార్లు ముఖ్య అతిథులుగా విచ్చేయనున్నట్లు సమాచారం.
రూ.450 కోట్ల భారీ బడ్జెట్తో రూపొందిన ఈ చిత్రంలో అల్లూరి సీతారామ రాజు పాత్రలో రాంచరణ్ నటిస్తుండగా..ఎన్టీఆర్ కొమరం భీమ్గా నటిస్తున్నాడు. బాలీవుడ్ నటి అలియా భట్ సీత రోల్ చేస్తుండగా..అజయ్ దేవ్గన్, శ్రియా, సముద్రఖని కీలక పాత్రల్లో నటిస్తున్నారు.
డీవీవీ ఎంటర్టైన్మెంట్స్, పెన్ స్టూడియోస్, లైకా సంయుక్తంగా నిర్మిస్తున్న ఈ చిత్రానికి కీరవాణి సంగీతం అందించారు.