హైదరాబాద్ తార్నాకలో మంగళవారం ఉదయం ఘోర రోడ్డు ప్రమాదం చోటుచేసుకుంది. ద్విచక్రవాహనాన్ని అతి వేగంగా దూసుకువచ్చిన ట్రక్ ఢీకొట్టింది. ఈ ప్రమాదంలో ఒకరు అక్కడికక్కడే మృతి చెందగా, మరొకరు తీవ్రంగా గాయపడ్డారు. తార్నాక డిగ్రీ కాలేజ్ ఎదురుగా ఈ ప్రమాదం జరిగింది. బైక్‌ యూటర్న్ తీసుకుంటున్న సమయంలో ట్రక్ వేగంగా వచ్చి డీకొట్టింది. ప్రమాదంలో తీవ్రంగా గాయపడిన మరోవ్యక్తిని చికిత్స నిమిత్తం గాంధీ ఆస్పత్రికి తరలించారు. ఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు.
తార్నాకలో ఘోర రోడ్డు ప్రమాదం
