ఈరోజు చంద్రబాబునాయుడు తన 69వ పుట్టినరోజు. ఈ సందర్భంగా తెలుగుదేశం పార్టీ నాయకులు, కార్యకర్తలు వేడుకలు జరుపుకుంటుండగా, ఆయన అభిమానులు ఎంతో మంది శుభాభినందనలను తెలియజేశారు. ఈ సందర్భంగా దర్శకుడు రామ్ గోపాల్ వర్మ తనదైన శైలిలో చంద్రబాబు నాయుడుకు అభినందనలు తెలిపారు. చంద్రబాబుకు పుట్టినరోజు శుభాకాంక్షలంటూనే సెటైర్ వేశారు. “ఏ వెరీ వెరీ హ్యాపీ బర్త్ డే టూ చంద్రబాబునాయుడు. ఈ భూమిపై అత్యంత నీతి, నిజాయితీతో నివసిస్తున్న వ్యక్తి” అని తన ట్విట్టర్ ఖాతాలో వ్యాఖ్యానించారు. ఆపై మూడు నమస్కార ఎమోజీలను ఉంచారు. వర్మ ట్వీట్ ఇప్పుడు వైరల్ అవుతోంది. వర్మ ట్వీట్ పై నెటిజన్లు రకరకాల కామెంట్స్ చేస్తున్నారు.
చంద్రబాబుకు పుట్టినరోజు శుభాకాంక్షలు : వర్మ
