మేషం: ఉద్యోగ జీవితం సాఫీ గానే సాగిపోతుంది. లాయర్లకు పురోభివృద్ధి కానవస్తుంది. గృహంలో మార్పులు చేర్పులు అనుకూలంగా సాగుతాయి. చిట్స్, ఫైనాన్స్, బ్యాంకింగ్రంగాల్లో వారికి పనిభారం అధికం. ఆధ్యాత్మిక చింతన పెరుగుతుంది.
వృషభం: వస్త్ర, బంగారం, వెండి వ్యాపారస్తులకు లాభసాటిగా ఉంటుంది.పుణ్యక్షేత్రాలను సందర్శిస్తారు. స్త్రీలకు నూతన సంపాదన పట్ల ఆసక్తి పెరుగుతుంది. సిమెంట్, ఐరన్, కలప, ఇటుక వ్యాపారస్తులకు స్టాకిస్టులకు కలిసిరాగలదు. విదేశాల్లో ఉన్న సంతానం నుంచి శుభవార్తలు వింటారు.
మిథునం: ఆర్థిక లావాదేవీలు సత్ఫలితాలనిస్తాయి.. పుణ్యక్షేత్రాలను సందర్శిస్తారు. లౌక్యంగా వ్యవహరించడం వల్ల కొన్ని వ్యవహారాలు మీకు అనుకూలిస్తాయి. ద్విచక్రవాహనంపై దూర ప్రయాణాలు మంచిది కాదని గమనించండి.
కర్కాటకం: రాజకీయాల్లో వారికి గణనీయమైన పురోభివృద్ధి కానవస్తుంది. సమయం అన్నివిధాలా అనుకూలంగా ఉంది. నిర్మాణ పనుల్లో స్వయం పర్యవేక్షణ చాలా అవసరం. గత విషయాలు జ్ఞప్తికి రాగలవు. రుణం తీర్చేందుకు చేయు ప్రయత్నాలు ఫలిస్తాయి. ప్రేమ వ్యవహారాలకు తగిన సమయం కాదు.
సింహం: ఉద్యోగంలో మీ పనితీరుకు మంచి గుర్తింపు లభిస్తుంది. ఏదైనా అమ్మకానికి చేసే యత్నాలు వాయిదా పడగలవు. లిటిగేషన్, కోర్టు వ్యవహారాలు వాయిదా వేయడం మంచిది. కుటుంబీకులతో అవగాహన లోపం వంటివి ఎదుర్కొంటారు. వ్యాపారులు ఆర్థిక ప్రయోజనాలు పొందుతారు.
కన్య: ఆదాయ వ్యయాల్లో ప్రణాళికబద్ధంగా వ్యవహరిస్తారు. ఉమ్మడి వ్యాపారాలు సంతృప్తిగా సాగుతాయి. ఉద్యోగస్తులు కొత్త బాధ్యతలను స్వీకరిస్తారు. ప్రింటింగ్, స్టేషనరీ రంగాల్లోని వారికి ఒత్తిడి, చికాకులు అధికమవుతాయి. డాక్టర్లు శస్త్రచికిత్సలు విజయవంతంగా పూర్తి చేస్తారు.
తుల: ఆర్థికంగా పురోభివృద్ధి సాధించే యత్నాలు అనుకూలిస్తాయి. నిరుద్యోగులకు ఇంటర్వ్యూలు, రాత పరీక్షల్లో మెలకువ, ఏకాగ్రత అవసరం. బంధువుల నుంచి ఆహ్వానాలు అందుకుంటారు. కంది, మినుము, మిర్చి వ్యాపారస్తులకు పురోభివృద్ధి కానవస్తుంది. ఆరోగ్యం జాగ్రత్త.
వృశ్చికం: స్త్రీలు అపరిచిత వ్యక్తులతో మితంగా సంభాషించడం మంచిది. ఆడిటర్లకు పురోభివృద్ధి. పెద్దల ఆరోగ్యంలో సంతృప్తి కానవస్తుంది. రావలసిన ధనం అందుతుంది. పెళ్లి సంబంధం కుదురుతుంది. ఏజెంట్లకు, బ్రోకర్లకు, శ్రమ, విశ్రాంతి లోపం వంటి చికాకులను ఎదుర్కొంటారు.
ధనస్సు: గృహానికి కావలసిన వస్తువులను అమర్చుకుంటారు. సన్నిహితులతో కలిసి సభలు, సమావేశాల్లో పాల్గొంటారు. ఉపాధ్యాయుల తొందరపాటు తనం వల్ల సమస్యలు తలెత్తుతాయి. పాత మిత్రుల కలయికతో మీకెంతో సంతృప్తినిస్తుంది. ఇతరుల కుటుంబ విషయాల్లో తలదూర్చి సమస్యలను ఎదుర్కొంటారు.
మకరం: సైన్సు, గణిత రంగాల పట్ల ఆసక్తి పెరుగుతుంది. క్రయ విక్రయ రంగాల్లోని వారికి సంతృప్తి కనవస్తుంది. ఇంటర్వ్యూలలో శ్రద్ధ వహించండి. ఉద్యోగస్తులకు అధికారులతో ఏకీభావం కుదరదు. ఎలక్ట్రికల్, ఎలక్ట్రానికల్, కంప్యూటర్, ఇన్వెర్టర్ రంగాల వారికి పురోభివృద్ధి. అవివాహితులకు అనుకూలమైన కాలం.
కుంభం: వ్యవసాయ రంగాల్లోని వారికి మెళకువ అవసరం. విదేశీ వస్తువుల పట్ల ఆకర్షితులవుతారు. కొద్దిపాటి శ్రమ మీద పనులు పూర్తవుతాయి. రాజకీయాల్లోని వారికి పార్టీ పరంగాను, అన్ని విధాల కలిసివస్తుంది. వాహనం ఇతరులకు ఇచ్చి ఇబ్బందులను ఎదుర్కొంటారు.
మీనం: కాంట్రాక్టర్లకు అధికారుల నుంచి ఒత్తిడి తప్పదు. రిప్రజెంటేటివ్‌లకు గుర్తింపు, రాణింపు లభిస్తుంది. స్త్రీలు నూతన పరిచయాలు, వ్యాపకాలు అధికమవుతాయి. బాకీలు తీరుస్తారు. స్నేహితుల సహకారం లభిస్తుంది. వ్యాపారుల ఆదాయం నిలకడగా ఉంటుంది. వస్త్ర, ఫోము, లెదర్, పీచు వ్యాపారస్తులకు పురోభివృద్ధి కానవస్తుంది.