ప్రభుత్వాలు ఎన్ని కఠినతరమైన చట్టాలు తెచ్చినా నిత్యం ఎక్కడో ఒక చోటు అత్యాచార ఘటనలు వెలుగులోకి వస్తూనే ఉన్నాయి. అత్యాచార నిందితులకు ఉరే సరైన శిక్ష అని దేశవ్యాప్తంగా ప్రజల నుంచి డిమాండ్లు కూడా వెల్లువెత్తుతున్నాయి. ఇలాంటి పరిస్థితుల్లో టర్కీ పార్లమెంట్‌లో ఓ వివాదాస్పదమైన బిల్లును ప్రవేశపెట్టడానికి రంగం సిద్ధమైంది. తూర్పు దేశమైన టర్కీలో రేపిస్టులను శిక్ష నుంచి తప్పించేలా ఓ చట్టాన్ని రూపొందిస్తున్నారు. అదే ‘మ్యారీ యువర్ రేపిస్ట్’. ఇక దీనికి సంబంధించిన బిల్లును ఈ నెల చివరన పై పార్లమెంట్‌లో ప్రవేశపెట్టనున్నారు. 18 ఏళ్ళ లోపు చిన్నారులపై లైంగిక దాడి లేదా అత్యాచారం చేసిన నిందితులకు ఇది వర్తిస్తుంది.
లైంగిక వేధింపులకు పాల్పడిన నిందితులు శిక్ష నుంచి మినహాయింపు పొందాలంటే.. అత్యాచార బాధితురాలిని తప్పనిసరిగా పెళ్లి చేసుకునేలా ఈ బిల్లును సిద్ధం చేస్తున్నారు. ఇప్పటికే ఈ బిల్లు టర్కీలో వివాదాస్పదం కావడమే కాదు.. మహిళ హక్కుల ప్రచారకర్తలు తీవ్ర ఆగ్రహం వ్యక్తం చేస్తున్నాయి. ఇదిలా ఉంటే ఇలాంటి వివాదాస్పద బిల్లే ఒకటి 2016లో పార్లమెంట్‌లో ప్రవేశపెట్టారు. నాడు ఆ బిల్లుపై దేశంలోనే కాదు.. ప్రపంచవ్యాప్తంగా నిరసనలు, ఆందోళనలు మిన్నంటడంతో పీపుల్స్ డెమోక్రెటిక్ పార్టీ ఆ బిల్లును ఉపసంహరించుకుంది.
జగన్ కు తమ సహకారం ఉంటుంది: నాగబాబు