వివాదాస్పద దర్శకుడు రామ్ గోపాల్ వర్మ పెళ్ళి, విడాకులపై షాకింగ్ కామెంట్స్ చేశారు వర్మ. ఓ యూట్యూబ్ ఛానల్‌కి ఇచ్చి ఇంటర్వ్యూలో ఆయన మాట్లాడుతూ.. “నేను సత్య హరిచంద్రుడి అవతారాన్ని. ఆయన ఎందుకు నిజమే చెప్పేవాడు అబద్ధం చెప్పడో.. ఆ స్టోరీ నాకు తెలియదు కాని.. నేను నా ఇష్టం వచ్చినట్టు బతకడానికి టైం వేస్ట్ చేయకుండా నేను ఇదీ అని చెప్పేస్తా. నాకు ఆటలో ఓడిపోవడం అయినా ఇష్టమే కాని టైం వేస్ట్ చేయను. అందుకే నా దగ్గర ఈ కార్డ్స్ ఉన్నాయి అని చెప్పేసి ఆట ఆడతా. ఫాస్ట్ ఫార్వర్డ్‌‌లో ఉండాలని అనుకుంటా. ఇలా గడపాలంటే ఎప్పుడూ నిజం చెప్పాలి. ఈరోజు మీ డ్రెస్ బాగుందని ఓ అమ్మాయికి చెప్పి.. ఆ తరువాత ఎలా ఉన్నారండీ ఇంట్లో.. లంచ్ చేశారా..? ఆ సినిమా చూశారండీ.. బాగుందండీ.. అని చెప్పి ఓ పది రోజులైన తరువాత నాకు మీ మీద కోరిక ఉందండీ అని చెప్పను. నా ఫస్ట్ లైన్‌‌లోనే మీ మీద కోరిక ఉందని చెప్పేస్తా. అమ్మాయి నచ్చితే ఫస్ట్ డేనే అడిగేస్తా. దానివల్ల అయితే అయ్యింది లేదంటే పది రోజుల టైం సేవ్ అవుతుంది. వేరే పని చూసుకోవచ్చు. ఇప్పటికీ నేను ఫాస్ట్ ఫార్వర్డ్‌లోనే బతుకుతున్నా.. మిగతా పోయినా వస్తాయి కాని.. టైం మళ్లీ రాదు. నా ఫస్ట్ క్రష్ పదో తరగతిలోనే. అప్పటి నుంచి ఇలాగే ఉన్నాను. నాకు హౌస్ వైఫ్ అంటే ఇష్టం ఉండదు. ఎందుకంటే.. వాళ్లు ఇంటి పనులు చేస్తారు.. ఇంటి పనులు చేసే ఆడవాళ్లు నాకు ఇష్టం ఉండదు. వాళ్లు చెమటలు పట్టి చిరాకుగా ఉంటారు. అమ్మాయి అంటే అందంగా సెక్సీగా ఉండాలి. నా భార్య కూడా హౌస్ వైఫ్ కాబట్టి బోర్ కొట్టేసింది. నా ఉద్దేశంలో డైవోర్స్‌ని సెలబ్రేట్ చేసుకోవాలి.. మ్యారేజ్‌ని కాదు. ఎందుకంటే పెళ్లైన తరువాత ఏం జరుగుతుందో మనకు తెలియదు కాబట్టి.. అదే డైవోర్స్ అయితే సూపర్ సెలబ్రేషన్స్.. మొత్తం అంతా తెలుసు. దానికంటే బెటర్ లైఫ్ ఉంటుంది కాబట్టి ఆ హ్యాపీ నెస్‌ని సెలబ్రేట్ చేసుకోవాలి’ అంటూ తనదైన శైలిలో పెళ్లి, విడాకులు, మహిళలపై షాకింగ్ కామెంట్స్ చేశారు వర్మ.
అమ్మాయి నచ్చితే ఫస్ట్ డేనే అడిగేస్తా… రామ్ గోపాల్ వర్మ సంచలన వర్మ
