పవర్ స్టార్ పవన్ కల్యాణ్, రానా దగ్గుబాటిల భారీ మల్టిస్టారర్ చిత్రం ‘భీమ్లా నాయక్’. ఫిబ్రవరి 25న ఈ మూవీ విడుదల కానుంది. పవన్ కల్యాణ్ పోలీస్ గా వస్తున్న సినిమా కావడంతో.. అభిమానులు భారీ అంచనాలు పెట్టుకున్నారు. భీమ్లా నాయక్ సినిమా కోసం ఇటూ మెగా ఫ్యాన్స్, అటూ దగ్గుబాటి ఫ్యాన్స్ ఉంత్కంఠగా వేయికళ్లతో ఎదురుచూస్తున్నారు.
ఈ నేపథ్యంలో ‘భీమ్లా నాయక్’ సినిమా ట్రైలర్ను ఫిబ్రవరి 21న విడుదల చేశారు. ఈ చిత్రం ట్రైలర్ చూసిన సెలబ్రిటీలు, నెటిజన్లు తమదైన శైలిలో స్పందిస్తున్నారు.
తాజాగా మెగా హీరో రామ్ చరణ్.. తన బాబాయ్ పవన్ కల్యాణ్ నటించిన భీమ్లా నాయక్ ట్రైలర్ పై స్పందించారు. ట్రైలర్ పై ట్విట్టర్ వేదికగా ప్రశంసల వర్షం కురిపించారు..’భీమ్లా నాయక్ ట్రైలర్ ఎలక్ట్రిఫైయింగ్గా ఉంది. పవన్ కల్యాణ్ గారి ప్రతీ డైలాగ్, యాక్షన్ పవర్ఫుల్గా ఉంది. నా మిత్రుడు రానా నటన, కనిపించిన తీరు సూపర్బ్గా ఉంది. త్రివిక్రమ్, సాగర్ కె చంద్ర, నిత్య మీనన్, సితార ఎంటర్టైన్మెంట్స్, తమన్కు ఆల్ ది బెస్ట్’ అంటూ ట్విటర్ వేదికగా తెలిపాడు.
ఇదిలా ఉంటే ఈ సినిమా ప్రీరిలీజ్ ఈవెంట్ కోసం అభిమానులు ఎప్పటినుంచో ఎదురుచూస్తున్నారు. ఫిబ్రవరి 21న జరగాల్సిన ఈ కార్యక్రమం వాయిదా పడిన సంగతి తెలిసిందే. అయితే తాజాగా ఫిబ్రవరి 23 (బుధవారం) సాయంత్రం భీమ్లా నాయక్ ప్రీరిలీజ్ ఈవెంట్ను హైదరాబాద్లోని యూసఫ్గూడలో నిర్వహించనున్నారు.