ఈ మధ్యకాలంలో టాలీవుడ్‌లో రకుల్ ప్రీత్ సింగ్ జోరు తగ్గింది. అందుకు కారణం ‘మన్మథుడు 2’ ఫ్లాప్ అవడమేనని టాలీవుడ్ టాక్. ప్రస్తుతం బాలీవుడ్ లో రెండు సినిమాల్లో నటిస్తు్న్నారు. అయితే సినిమాల కోసం తన లైఫ్ రిస్క్‌లో పెట్టుకోలేనని అంటున్నారు రకుల్. తన ఫిట్‌నెస్ గురించి ఓ ఇంటర్వ్యూలో మాట్లాడుతూ ఆసక్తికర విషయాలను వెల్లడించారు. ‘‘ఫిట్‌నెస్ అనేది జీవితాంతం ఉండాలి. వారంలో వచ్చేయదు. మనం ఏం తింటున్నాం, ఎలా ఆలోచిస్తున్నాం అన్నదాన్ని బట్టే ఫిట్‌నెస్ ఉంటుంది. నేను చమటోడ్చకపోతే నా ఇంట్లోని టాక్సిన్స్ బయటికి ఎలా వెళ్తాయి. నేను నా సోషల్ మీడియాలో పోస్ట్ చేసే ఫిట్‌నెస్ ఫొటోలు చూసి జిమ్ చేయాలని ఒకరికి అనిపించినా నేను చాలా సంతోషిస్తాను. టైం లేక నేను జిమ్‌కి వెళ్లలేదు అని చాలా మంది అంటుంటారు. కానీ ఆ ఆలోచనా విధానం మారాలి. ఎందుకంటే మనం మన శరీర ఆరోగ్యం కోసం కష్టపడుతున్నాం. మన గురించి మనం కేర్ తీసుకోకపోతే ఇక బతకడం ఎందుకు? జీవితంలో ఆరోగ్యమే ప్రధాన లక్ష్యంగా ఉండాలి. సినిమాల్లో ఫిజికల్ ట్రాన్స్‌ఫర్మేషన్ చాలా ముఖ్యం. నేను నటించిన ‘దే దే ప్యార్ దే’ సినిమా కోసం 45 రోజుల్లో పది కిలోలు తగ్గాను. ఒకవేళ సినిమా కోసం నన్ను ఇరవై కిలోలు పెరగమంటే మాత్రం నేను అస్సలు చేయను. నా ఆరోగ్యాన్ని, ఫిట్‌నెస్‌ని దెబ్బ తీసే సినిమాలు నేను చేయను’ అని వెల్లడించారు రకుల్. అయితే తెలుగు సినిమాల్లో అవకాశాల గురించి మాత్రం రకుల్ ఏమీ స్పందించలేదు.
సినిమా కోసం లైఫ్ రిస్క్ చెయ్యను : రకుల్
