కరోనా వైరస్ ను నియంత్రించేందుకు దేశవ్యాప్తంగా లాక్ డౌన్ కొనసాగు తున్న నేపథ్యంలో ప్రముఖ బ్యాడ్మింటన్ క్రీడాకారిణి పి.వి.సింధు స్పందించారు. కరోనా వ్యాప్తి చెందకుండా పాటించాల్సిన ముందు జాగ్రత్త చర్యలపై ప్రజలను చైతన్యపరుస్తూ పీవీ సింధు ఓ వీడియో సందేశం పంపారు.
బ్యాడ్మింటన్ ఆడేటప్పుడు కోర్టులోనే ఆడాలని, అప్పుడే గెలుస్తామని, ‘కరోనా’తో ఫైట్ చేయాలంటే మనం ఇంట్లోనే ఉండాలని సూచించారు. సామాజిక దూరం పాటిస్తేనే కోవిడ్-19 పై మనం విజయం సాధించగలమంటూ ఓ పోస్ట్ చేసింది. ‘కరోనా’ కట్టడి నిమిత్తం ప్రభుత్వం చేసిన సూచనలను పాటిద్దామని, ‘ఇంట్లో ఉందాం..‘కరోనా’ ను కలిసి ఎదుర్కొందాం’ అని ఆమె పిలుపునిచ్చింది.