ఐకాన్ స్టార్ అల్లు అర్జున్ హీరోగా , రష్మిక మందన్నహీరోయిన్గా సుకుమార్ దర్శకత్వంలో తెరకెక్కుతోన్న చిత్రం పుష్ప. శేషాచలం అడవుల నేపథ్యంగా తీసిన ఈ సినిమాలో అల్లు అర్జున్ పుష్పరాజ్గా లారీ డ్రైవర్ పాత్రలో కనిపించనున్నాడు.
ఈ సినిమాను క్రిస్మస్ కానుకగా డిసెంబర్ 17న ప్రపంచవ్యాప్తంగా థియేటర్లలో విడుదల చేయడానికి చిత్ర యూనిట్ సన్నాహాలు చేస్తోంది. ఈ నేపథ్యంలో సినిమా ప్రమోషన్స్ వేగాన్ని పెంచింది చిత్ర యూనిట్. అందులో భాగంగా తాజగా “పుష్ప” ప్రత్యేక మేకింగ్ వీడియోను విడుదల చేశారు.
ఈ వీడియోలో మనం ఈ లొకేషన్ ను ఖాళీ చేసి వెళ్ళేలోపు.. ఇక్కడున్న ప్లాస్టిక్ సామాను, చెత్త చెదారం అంతా క్లీన్ చేసి నీట్ గా ఉంచాలని మేకింగ్ వీడియోలో బన్నీ ‘పుష్ప’ టీమ్ కు సూచించడం కనిపిస్తుంది. ఈ మేకింగ్ వీడియో సోషల్ మీడియాలో వైరల్ గా మారింది.
ఈ సినిమాలో ఫహాద్ ఫాజిల్, సునీల్, అనసూయ తదితరులు కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకుడు. మైత్రీ మూవీ మేకర్స్ పాన్ ఇండియా స్థాయిలో నిర్మించింది.
రాహుల్ అలా చేసి ఉండకూడదు… పబ్ దాడిపై యాంకర్ వ్యాఖ్యలు