క్రేజీ స్టార్ విజయ్ దేవరకొండ కథానాయకుడిగా పూరి జగన్నాథ్ దర్శకత్వంలో పాన్ ఇండియన్ చిత్రం రూపొందుతున్న సంగతి తెలిసిందే. ఛార్మీ కౌర్, కరణ్ జోహార్తో కలిసి పూరి నిర్మిస్తున్న ఈ సినిమా టైటిల్ మారిందని టాక్. ఈ చిత్రానికి తొలుత ‘ఫైటర్’ టైటిల్ ఖాయం చేశారు. తెలుగుతో పాటు హిందీ, తమిళం, మలయాళం తదితర భాషల్లో చిత్రాన్ని విడుదల చేయడానికి సన్నాహాలు చేస్తున్నారు. రెండు భాషల్లో ఈ టైటిల్ దొరకలేదట. కొన్ని అనివార్య కారణాల వలన సినిమాలో హీరో పేరు ‘లైగర్’ను టైటిల్గా ఖరారు చేశారట. ‘ఫైటర్’ బన్గయా ‘లైగర్’ (మగ సింహానికి, ఆడ పులికి పుట్టిన బిడ్డను లైగర్ అంటారు). ఈ సినిమాలో విజయ్ దేవరకొండ యాక్షన్ రోల్ చేస్తున్నారు. పాత్ర కోసం మిక్డ్స్ మార్షల్ ఆర్ట్స్లో శిక్షణ కూడా తీసుకున్నారు. ఈ సినిమాలో విజయ్ సరసన అనన్యా పాండేను హీరోయిన్గా తీసుకోవాలనుకుంటున్నారట. అయితే ‘ఫైటర్’ సినిమా విషయంలో తన పంథా మారుస్తున్నారట. ఈ సినిమా షూటింగ్ను వందరోజులకు పైగా చేయాలని నిర్ణయించుకున్నారట. దీనికి ఓ కారణముంది. ఈ సినిమాను పాన్ ఇండియా సినిమాగా తీస్తున్నారు. అందుకే మరింత జాగ్రత్తగా తీయాలనే ఉద్దేశంతో ఇన్ని రోజులు షూటింగ్ చేస్తున్నారట. ఓ సినిమాకు ఇన్ని రోజులు షూటింగ్ చేయడం పూరీ కెరీర్లో ఇదే మొదటిసారి అంటున్నారు సినీ జనాలు.
previous post
next post