డాషింగ్ డైరెక్టర్ పూరి జగన్నాథ్, ఛార్మింగ్ బ్యూటీ ఛార్మి ఇద్దరూ కలిసి సొంత బ్యానర్‌పై ‘ఇస్మార్ట్ శంకర్’రూపంలో భారీ హిట్ సొంతం చేసుకున్న సంగతి తెలిసిందే. ఈ మూవీ మంచి లాభాలు తెచ్చిపెట్టింది. అదే జోష్‌లో ఇప్పుడు విజయ్ దేవరకొండ హీరోగా ‘ఫైటర్’ మూవీ చేస్తున్నారు. అయితే తాజాగా ఈ చిత్రానికి సంబంధించి ఓ ఆసక్తికర విషయం బయటకొచ్చింది. ప్రస్తుతం తెరకెక్కుతున్న ‘ఫైటర్’ మూవీ కోసం ముందుగా అల్లు అర్జున్‌ని హీరోగా తీసుకోవాలని భావించారట పూరి, ఛార్మి. ఈ మేరకు ఆయనను సంప్రదించగా కొన్ని కారణాల వల్ల బన్నీ నో చెప్పారట. సీన్ రివర్స్ కావడంతో చివరకు విజయ్ దేవరకొండ ను ఫైనల్ చేశారని తెలిసింది. పూరి నేరేట్ చేసిన కథ నచ్చడంతో ఏ మాత్రం ఆలోచించకుండా ఓకే చెప్పారట విజయ్ దేవరకొండ. అలా సెట్స్ మీదకొచ్చిన ఈ మూవీ ఇటీవలే ముంబైలో ఫస్ట్ షెడ్యూల్ పూర్తిచేసుకుంది. చిత్రంలో విజయ్ దేవరకొండ సరసన బాలీవుడ్ బ్యూటీ అనన్య పాండే హీరోయిన్‌గా నటిస్తోంది. ఇందులో విజయ్ దేవరకొండ బాక్సర్‌గా కనిపించనున్నారు. పూరి కనెక్ట్స్, పూరి జగన్నాథ్ టూరింగ్ టాకీస్ సంయుక్త సమర్పణలో రూపొందుతున్న ఈ సినిమా నిర్మాణంలో బాలీవుడ్ నిర్మాత కరణ్ జోహార్ కూడా భాగమవుతుండటం విశేషం.