పవర్ స్టార్ పవన్ కళ్యాణ్ లేటెస్ట్ మూవీ భీమ్లా నాయక్. సెప్టెంబర్ 2న పవన్కల్యాణ్ పుట్టినరోజు సందర్భంగా ఈ సినిమా నుంచి మరో సర్ప్రైజ్ రాబోతుంది.
పవర్ స్టార్ పవన్ కళ్యాణ్ – దగ్గుబాటి రానా కాంబినేషన్లో రూపొందుతోన్న భారీ క్రేజీ మూవీ భీమ్లా నాయక్. మలయాళ హిట్ అయ్యప్పనుమ్ కోషియుమ్’ చిత్రానికి రీమేక్గా తెరకెక్కుతున్న ఈ చిత్రాన్ని సితారా ఎంటర్టైన్మెంట్స్ పతాకంపై సూర్యదేవర నాగవంశీ నిర్మిస్తున్నారు. యంగ్ టాలెంటెడ్ డైరెక్టర్ సాగర్ చంద్ర ఈ చిత్రానికి దర్శకత్వం వహిస్తున్నారు. మాటల మాంత్రికుడు త్రివిక్రమ్ శ్రీనివాస్ ఈ చిత్రానికి స్ర్కీన్ ప్లే – సంభాషణలు అందిస్తుండడం విశేషం. దీనికి సెన్సేషనల్ మ్యూజిక్ డైరెక్టర్ ఎస్ఎస్ థమన్ సంగీతం అందిస్తున్నారు.
చాలాకాలం తర్వాత పక్కా మాస్ లుక్లో కనిపించిన ఆయన్ను చూసి అభిమానులు పండగ చేసుకుంటున్నారు. ఈ మధ్య విడుదలైన ఫస్ట్ గ్లింప్స్కు వచ్చిన స్పందన, అందులో డైలాగ్లతో సినిమాపై అంచనాలు మరింత పెరిగాయి. ఈ టీజర్ ఇంతలా ఆకట్టుకోవడానికి దీనికి తమన్ అందించిన సంగీతం కూడా ఓ కారణం అని చెప్పచ్చు. ఈ టీజర్ ప్రస్తుతం యూట్యూబ్ ని షేక్ చేస్తుంది.
ఇదిలా ఉంటే.. సెప్టెంబర్ 2 న భీమ్లా నాయక్ నుంచి ఫస్ట్ సింగిల్ రిలీజ్ చేయనున్నారు. ‘‘మండుతున్న రైఫిల్స్ ప్రతిధ్వనించడానికి సిద్ధమవుతున్నాయి. పవర్ అంథమ్తో పవర్డేను సెలబ్రేట్ చేసుకుందాం’’ అని ట్వీట్ చేశారు దర్శకుడు. ఈ సాంగ్ వింటే… పవర్ స్టార్ ఫ్యాన్స్ కు పూనకాలే.. అన్నట్టుగా ఈ పాట ఉంటుందని సమాచారం. మరి.. ఈ సాంగ్ ఎలాంటి రికార్డులను క్రియేట్ చేస్తుందో చూడాలి.
ఇందులో దాచేదేమీ లేదు… కాస్టింగ్ కౌచ్ పై అనుష్క షాకింగ్ కామెంట్స్