telugu navyamedia
ట్రెండింగ్ వ్యాపార వార్తలు

అకౌంట్ లో డబ్బు లేకున్నా మీ చేతికి రూ.5000… ఏం చేయాలంటే ?

Money

ఇప్పటి వరకు జన్ ధన్ స్కీమ్ కింద 38 కోట్ల మంది బ్యాంక్ అకౌంట్లు తెరిచారు. జన్ ధన్ అకౌంట్‌తో చాలా బెనిఫిట్స్ లభిస్తాయి. బ్యాంక్ అకౌంట్‌లో మినిమమ్ బ్యాలెన్స్ కలిగి ఉండాల్సిన అవసరం లేదు. మీ అకౌంట్లోకి డబ్బుకు వడ్డీ వస్తూనే ఉంటుంది. ఇంకా రూ.2 లక్షల వరకు ఉచిత ప్రమాద బీమా వస్తుంది. రూ.30,000 వరకు ఇన్సూరెన్స్ కవరేజీ లభిస్తుంది. అంతేకాకుండా కేంద్ర ప్రభుత్వం అందించే సంక్షేమ పథకాల ప్రయోజనాలు డైరెక్ట్‌గా మీ ఖాతాకే వచ్చి చేరతాయి. మరో బెనిఫిట్ కూడా ఉంది. జన్ ధన్ అకౌంట్ కలిగిన వారికి రూ.5,000 వరకు ఓవర్ డ్రాఫ్ట్ ఫెసిలిటీ ఉంది. అంటే అకౌంట్‌లో డబ్బులు లేకపోయినా కూడా రూ.5,000 వరకు తీసుకోవచ్చు. దీనికి మీరు అకౌంట్‌ను గత ఆరు నెలలుగా ఉపయోగిస్తూనే ఉండాలి. ఓవర్ డ్రాఫ్ట్ ఫెసిలిటీ అనేది బ్యాంక్ నిర్ణయంపై ఆధారపడి ఉంటుంది. జన్ ధన్ అకౌంట్ తెరవాలని భావించే వారు పీఎంజేడీవై వెబ్‌సైట్‌కు వెళ్లి ఫామ్‌ను డౌన్‌లోడ్ చేసుకోవాలి. దీన్ని ఫిల్ చేసి అవసరమైన డాక్యుమెంట్లు జతచేసి దగ్గరిలోని బ్యాంక్ బ్రాంచుకు వెళ్లి ఖాతా తెరవొచ్చు. ఆధార్ కార్డు, రేషన్ కార్డు ఉంటే సరిపోతుంది. వీటిని అప్లికేషన్‌తో పాటు బ్యాంక్ అధికారులు అందించాలి. కేంద్ర ప్రభుత్వం పేదల కోసం ప్రధాన్ మంత్రి జన్ ధన్ యోజన స్కీమ్‌ను తీసుకువచ్చింది. బ్యాంక్ అకౌంట్ లేని వారు ఈ స్కీమ్ కింద బ్యాంక్ ఖాతా తెరవొచ్చు. అది కూడా జీరో బ్యాలెన్స్ అకౌంట్. దీని కోసం ఎలాంటి డబ్బులు అవసరం లేదు. పేదలను బ్యాంకింగ్ వ్యవస్థకు అనుసంధానం చేయడమే ఈ పథకం ముఖ్య ఉద్దేశం.

Related posts