మాస్ హీరో గోపీచంద్, మిల్కీబ్యూటీ తమన్నా జంటగా నటిస్తున్న చిత్రం ‘సీటీమార్’. మాస్ డైరెక్టర్ సంపత్ నంది కాంబినేషన్లో ‘గౌతమ్ నంద’ తర్వాత గోపిచంద్, సంపత్ నంది కలయికలో వస్తున్న చిత్రమిది. శ్రీనివాసా సిల్వర్ స్క్రీన్ బ్యానర్‌పై శ్రీనివాసా చిట్టూరి ఈ చిత్రాన్ని నిర్మిస్తున్నారు. భూమిక, రావు రమేష్ కీలక పాత్రలు పోషిస్తున్నారు. కబడ్డీ నేపథ్యంలో రూపొందుతున్న ఈ సినిమాలో మ‌రో హీరోయిన్ గా దిగంగన సూర్యవంశి న‌టిస్తుంది. మణిశర్మ సంగీతం అందిస్తున్నారు. అయితే ఆదివారం ఈ సినిమా నుంచి ఐటమ్ సాంగ్ రిలీజ్ అయింది. మణిశర్మ సంగీత దర్శకత్వంలో పూర్తి స్థాయి మాస్ నెంబర్ గా ఆకట్టుకుంటోంది. అప్సరా రాణిపై చిత్రీకరించిన ఈ పాటకు ప్రేమ్ రక్షిత్ నృత్యరీతుల్ని సమకూర్చారు. ‘నా పేరే పెప్సీ ఆంటీ… నా పెళ్ళికి నేనే యాంటీ…’ అంటూ సాగే ఈ పాటను సంపత్ నంది రాశారు. కీర్తన శర్మ హస్కీ వాయిస్ శ్రోతల్ని ఆకట్టుకునేలా సాగింది.
‘సీటీమార్’ మాస్ సాంగ్ లో ఇరగదీసిన ఆర్జీవీ భామ!
