జవహర్ లాల్ నెహ్రూపైనా, ఆయన కుటుంబసభ్యులపైనా పాయల్ రోహాత్గీ వ్యాఖ్యలు చేసిన సుప్రసిద్ధ మోడల్, బాలీవుడ్ నటి పాయల్ రోహాత్గీని రాజస్థాన్ పోలీసులు అరెస్ట్ చేశారు. నెహ్రూ తండ్రి మోతీలాల్ నెహ్రూ కుటుంబాన్ని, ముఖ్యంగా జవహర్ లాల్ నెహ్రూ అర్ధాంగిపై రోహాత్గీ వ్యాఖ్యలు అసభ్యంగా ఉన్నాయని రాజస్థాన్ యువజన కాంగ్రెస్ నేత చర్మేశ్ శర్మ పోలీసులకు ఫిర్యాదు చేశారు.
ఐటీ చట్టం అనుసరించి పోలీసులు పాయల్ రోహాత్గీని అదుపులోకి తీసుకున్నారు. దీనిపై ఆమె స్పందిస్తూ గూగుల్ లో ఉన్న సమాచారంతోనే తాను ఈ వ్యాఖ్యలు చేశానని, భావవ్యక్తీకరణ హక్కు ఓ జోక్ గా మారిపోయిందని వ్యాఖ్యానించారు. పాయల్ పై చర్మేశ్ శర్మ మాత్రమే కాదు, పలువురు కాంగ్రెస్ నేతలు సైతం ఫిర్యాదులు చేశారు.