ఏపీ విద్యార్థులకు సిలబస్ కుదింపు!

కరోనా వైరస్ విజృంభిస్తున్న నేపథ్యంలో ఏపీ పాఠశాల విద్యాశాఖ సిలబస్ కుదింపు చేసేందుకు కసరత్తు చేస్తున్నట్టు తెలుస్తోంది. వైరస్ విద్యార్థులపై తీవ్ర ప్రభావం చూపుతున్న క్రమంలో ఇప్పటికే అన్ని పరీక్షలు రద్దు చేశారు. ప్రతిసారి ఇప్పటికే ఈ విద్యా సంవత్సరం ప్రారంభమై ఉండేది. కరోనా కారణంగా పాఠశాలలు, కాలేజీలు ప్రారంభం కాలేదు. దీంతో ఆన్ లైన్ క్లాసులు నిర్వహించాలనే యోచనలో ఏపీ ప్రభుత్వం ఉంది.

ఈ నేపథ్యంలో, ఏపీ పాఠశాల విద్యాశాఖ ఆగస్ట్ 3 నుంచి వచ్చే ఏడాది మే రెండో వారం వరకు క్లాసులను నిర్వహించాలని సమాలోచనలు చేస్తోంది. క్లాసులు జరిగే రోజులు తగ్గుతుండటంతో సిలబస్ ను 30 శాతం తగ్గించాలని నిర్ణయించారు. 2021 మే తొలి వారంలో 6 నుంచి 9వ తరగతి విద్యార్థులకు పరీక్షలు నిర్వహించేలా కేలండర్ సిద్ధం చేస్తున్నారు. మే రెండో వారం నుంచి జూన్ 12 వరకు వేసవి సెలవులు ఇవ్వాలని భావిస్తున్నారు.