మాటల మాంత్రికుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లుఅర్జున్, పూజా హిగ్దే జంటగా నటించిన సినిమా అలా వైకుంఠపురములో. అయితే ఈ ఏడాది విడుదలయి భారీ విజయం సాధించిన సినిమాల్లో ఇది కూడా ఒకటి. అంతేకాకుండా ఈ ఏడాది ఈ సినిమా రికార్డుల వర్షం కురిపించింది. వసూళ్లలో రికార్డు, టీఆర్పీలో రాకార్డు ఇలా చెప్పుకుంటూ పోతే ఎన్నో ఉన్నాయి. ఈ ఏడాది వరుసగా ఈ సినిమా రికార్డులు చేస్తూనే ఉంది. ఇదిలా ఉంటే ఇటీవల ప్రముఖ ఓటీటీ సంస్థ నెట్‌ఫ్లిక్స్ విడుదల చేసిన జాబితా ప్రకారం ఈ ఏడాది ఎక్కవగా వీక్షించబడిన దక్షిణ భారత సినిమాలలో ఈ సినిమా ప్రథమ స్థానంలో నిలుచుంది. ఈ విషయాన్ని స్వయంగా నెట్‌ఫ్లిక్సే ప్రకటించింది. దీంతో అల్లు అర్జున్ అభిమానుల ఆనండానికి హద్దులు లేకుండా పోయాయి. ఈ సినిమా మొదట థియేటర్లలో విడుదలైంది. తరువాత ఓటీటీలో కూడా విడులైంది. అయినప్పటికీ ఇన్ని రికార్డులు సాధించడం ఘనతనే చెప్పాలి. అంతేకాకుండా ఈ సినిమాతోనే పూజా హిగ్దేకు బుట్టబొమ్మ అనే పేరు కూడా వచ్చింది. నెట్‌ఫ్లక్స్ వదిలిన జాబితాలో దుల్కర్ సల్మాన్ నటించిన సినిమా కనులు కనులను దోచాయంటే రెండవ స్థానంలో నిలిచింది.
‘అలా వైకుంఠపురములో’ ఖాతాలో మరో రికార్డు
