telugu navyamedia
సినిమా వార్తలు

“మిస్టర్ మజ్ను”తో ఎన్టీఆర్

NTR,Mr.Majnu
అఖిల్ అక్కినేని హీరోగా శ్రీవెంకటేశ్వర సినీ చిత్ర ఎల్‌ఎల్‌పి పతాకంపై ‘తొలిప్రేమ’ ఫేం వెంకీ అట్లూరి దర్శకత్వంలో భారీ నిర్మాత బి.వి.ఎస్.ఎన్.ప్రసాద్ నిర్మిస్తున్న యూత్‌పుల్ ఎంటర్‌టైనర్ “మిస్టర్ మజ్ను”. అన్ని కార్యక్రమాలు పూర్తి చేసి జనవరి 25న ఈ చిత్రాన్ని విడుదల చేసేందుకు సన్నాహాలు చేస్తున్నారు. ఇప్పటికే ఈ చిత్రం నుండి రెండు పాటలను విడుదల చేశారు. అఖిల్ అక్కినేని సరసన నిధి అగర్వాల్ హీరోయిన్‌గా నటిస్తున్న ఈ చిత్రంలో నాగబాబు, ప్రియదర్శి, జయప్రకాష్, హైపర్ ఆది ఇతర ముఖ్యపాత్రలు పోషిస్తున్నారు. 
మిస్టర్ మజ్ను ప్రీ రిలీజ్ వేడుక ఈ నెల 19న నిర్వహించనున్నారు. ఈ వేడుకకు జూనియర్ ఎన్టీఆర్ ప్రత్యేక అతిధిగా రాబోతున్నాడు. దీనికి సంబంధించిన ఓ పోస్టర్ ను విడుదల చేశారు చిత్రబృందం. మొదటి నుంచి అఖిల్ తన సినిమాల ప్రమోషన్ కోసం స్టార్ హీరోల సపోర్ట్ తీసుకుంటున్నాడు. ముందుగా “అఖిల్” సినిమా కోసం మహేష్ ను, ఆ తరువాత “హలో” సినిమాకు మెగాస్టార్ చిరంజీవి సపోర్ట్ తీసుకున్నాడు. ఈసారి ఎన్టీఆర్ ను ప్రమోషన్స్ కు తీసుకొస్తున్నాడు. మరి ఈసారైనా హిట్టు కొడతాడేమో చూడాలి.

Related posts