telugu navyamedia
ట్రెండింగ్ సినిమా వార్తలు

చిరంజీవి ఇండస్ట్రీని శాసిస్తున్నారనడం చాలా తప్పు : నాగబాబు

Nagababu

మెగాస్టార్ చిరంజీవి ఇండస్ట్రీని శాసిస్తున్నారనే వార్తల్ని ఖండిస్తూ కీలక వ్యాఖ్యలు చేశారు నాగబాబు. ఈ మేరకు నాగబాబు మాట్లాడుతూ.. “మా అన్న చిరంజీవి ఇండస్ట్రీని శాసిస్తున్నారని.. వేరే వర్గం దాన్ని అంగీకరించడం లేదని ఏదేదో అంటున్నారు. ఇది చాలా తప్పు.. ఇండస్ట్రీ చిరంజీవి గారిది అనో.. అక్కినేని, నందమూరి, ఘట్టమనేని.. ఇలా ఆ నలుగురు ఫ్యామిలీస్ అంటూ మాట్లాడుతుంటారు. చాలా మందికి అర్థం కాని పిచ్చతనం ఏంటంటే.. ఇండస్ట్రీకి మేం రాజులం కాదు. ఇండస్ట్రీపై మాకే ఫుల్ గ్రిప్ ఉంటే.. వేరే హీరోలను ఎందుకు రానిస్తాం.. మాకు మేమే చేసుకుంటాం కదా.. మాకు థియేటర్లు ఏం లేవు. ఇండస్ట్రీలో ఎవరికీ పూర్తి శక్తి ఉండదు. ఎవరి పరిధి వాళ్లకు ఉంటుంది. పూర్వం రామారావు-నాగేశ్వరరావు ఉండేటప్పుడు కూడా చాలా మంది చాలా విధాలుగా అనేవారు. వాళ్లు ఉంటే.. ఇండస్ట్రీకి ఎవర్నీ రానివ్వరని అన్నారు.. మరి అలాంటి టైంలో చిరంజీవి గారు వచ్చారు. క్రిష్ణగారు వచ్చారు.. కెపాసిటీ ఉన్న ప్రతి ఒక్కడూ వచ్చారు.. నిలిచారు. కెపాసిటీ లేని వాడు ఎప్పటికీ రారు. దమ్ము ఉన్నవాడు వచ్చారు. ఆ టైంలో మరి రామారావు గారు, నాగేశ్వరరావుగారు ఆపాలి కదా.. ఎవ్వరూ ఎవ్వర్నీ ఆపలేరు. ఇండస్ట్రీలో ఎవడూ పిస్తా లేడు. ఇది ప్రజాస్వామ్యం.. ఇండస్ట్రీలోనూ డెమోక్రసీ ఉంది. ఇండస్ట్రీకి ఎవరైనా రావొచ్చు.. ఎవరైనా పోవచ్చు. విజయ్ దేవరకొండకి ఏం బ్యాగ్రౌండ్ ఉందని అంత పాపులర్ అయ్యారు. రవితేజకు అంత పాపులారిటీ ఉంది కాబట్టే అంత పేరు వచ్చింది. దాసరి గారి స్థానం భర్తీ అనేది ఊహల్లో మాట్లాడే మాట తప్ప. ఒకరి స్థానాన్ని ఇంకొకరు ఎప్పుడూ భర్తీ చేయలేరు. దాసరి గారు ఉన్నప్పుడు సమస్యలపై పోరాడారు. ఆయనకు ఓపిక బాగా ఎక్కువ. ఆయన చనిపోయిన తరువాత చిరంజీవి గారు అనే కాదు.. మోహన్ బాబు గారు ఉన్నారు.. అన్నయ్య ఉన్నారు.. నాగార్జున గారు ఉన్నారు. బాలక్రిష్ణగారు కూడా రెస్పాన్సిబిలిటీ తీసుకోగలరు. చిరంజీవి గారు ఒక్కరే కాదు చాలా మంది ఉన్నారు. కాకపోతే అన్నయ్య ముందుకు వచ్చి బాధ్యతలు తీసుకున్నారు తప్ప.. ఆయన కాకుండా ఎవరు తీసుకుంటానన్నా మంచిదే కదా. ఇండస్ట్రీకి పెదరాయుడు అని ఆయనేం చెప్పుకోలేదు. నేను సినిమాల్లో ఎక్కువగా కనిపించకపోవడానికి ప్రధాన కారణం నాకు ఎవరూ పెద్దగా క్యారెక్టర్స్ ఇవ్వడం లేదు. బుల్లితెరపై కూడా నేను ‘అదిరింది’ అనే షో ఒక్కటే చేస్తున్నా. జబర్దస్త్ నుంచి బయటకు వచ్చిన తరువాత ఈ షో చేస్తున్నా.. దానికి దీనికి పెద్ద తేడా లేదు. అవకాశాలు రాకే సినిమాలు చేయడం లేదు. అవకాశాలు వస్తే.. నేను ఎక్కువగా సినిమాల్లోనే కనిపిస్తా. వరుణ్ తేజ్‌తో కలిసి నటించే అవకాశం కూడా ఇప్పటివరకూ రాలేదు. వస్తే మాత్రం తప్పుకుండా చేస్తా. వరుణ్ తేజ్‌ పెళ్లి నిహారిక పెళ్లి అయిన తరువాత చేస్తా.. ఫస్ట్ ఆడపిల్ల పెళ్లి చేస్తా” అంటూ చెప్పుకొచ్చారు నాగబాబు.

Related posts