బాలీవుడ్ కథానాయిక నేహా ధూపియా ప్రస్తుతం 8 నెలల గర్భిణి. గర్భంతో ఉన్నప్పుటికీ, చురుగ్గా చిత్రీకరణలో పాల్గొంది హీరోయిన్. అదీ కూడా పోలీస్ అధికారిణి పాత్ర కావడం మరో విశేషం.
గర్భంతో ఉన్నప్పటికీ నటనకు విరామం ఇవ్వకుండా ఉత్సాహంగా చిత్రీకరణలో పాల్గొంటోంది. మరో విశేషమేంటంటే తెరపై గర్భిణీ పోలీస్ అధికారిణిగా నటిస్తోంది. ఆ చిత్రమే ‘ఏ థర్స్డే’. జేహ్జాద్ ఖంబాటా దర్శకత్వంలో తెరకెక్కిస్తున్నారు. ఈ చిత్రంలో యామీగౌతం, డింపుల్ కపాడియా, అతుల్ కులకర్ణి తదితరులు ఇతర పాత్రలు పోషిస్తున్నారు.
ప్రతిరోజూ జరిగే సంఘటనల ఆధారంగా సినిమా తెరకెక్కిస్తున్నారు. దీనిపై నేహా ధూపియా ఆనందం వ్యక్తం చేసింది. నిజ జీవితానికి, తెర జీవితానికి మధ్య అంతరాన్ని చెరిపేసే పాత్రను పోషిస్తుండటం మరపురాని అనుభూతి అని నేహా పేర్కొంది. ఈ చిత్రంలోని తన లుక్ను ఇన్స్టాలో పోస్ట్ చేసింది.
ప్రస్తుతం ఈ ఫోటో సోషల్ మీడియాలో వైరల్గా కావడంతో తమదైన శైలిలో నెటిజన్లు ట్రోల్ చేస్తున్నారు.
కొండను చూసి కుక్క మొరిగితే కొండకు చేటా… వర్మకు ప్రముఖ నిర్మాత కౌంటర్