నేచురల్‌ స్టార్‌ నాని, మలయాళ బ్యూటీ నజ్రియా ప్రధాన పాత్రల్లో నటించిన చిత్రం అంటే సుందరానికీ. ఈ సినిమాకు దర్శకుడు వివేక్‌ ఆత్రేయ దర్శక‌త్వం వ‌హించ‌గా మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై.రవిశంకర్‌లు సంయుక్తంగా నిర్మిస్తోంది.
ఫ్యామిలీ అండ్‌ కామెడీ ఎంటర్‌టైనర్‌గా తెరకెక్కిన ఈ మూవీ జూన్‌ 10న ప్రేక్షకుల ముందుకు రానుంది.ఇప్ప‌టికే ఈ సినిమా నుంచి విడుద‌లైన సాంగ్స్‌, పోస్ట‌ర్స్ అందరిని ఆక‌ట్టుకున్నాయి. తాజాగా గురువారం ఈ సినిమా ట్రైలర్ రిలీజ్ చేశారు చిత్ర యూనిట్ .
ట్రైలర్ విష‌యానికొస్తే.. ‘ఎవరా అమ్మాయి? హిందువులేనా? చెప్పి చావరా? అన్న డైలాగ్‌తో ట్రైలర్ ప్రారంభమైంది. అయితే ఈ దిక్కుమాలిన సోదంతా మొన్న వచ్చిన టీజర్‌లోనే చెప్పావన్న డైలాగ్‌ ఎదురవడంతో సరే, ఇప్పుడొక ఫ్లోలో చెప్తానంటూ తన కథను మొదలుపెట్టాడు నాని.
సుంద‌రానికి ఒకసారి అమెరికా వెళ్లి రావాలని కోరిక, ఈ విష‌యాన్ని ఇంట్లో చెబితే వారు ఒప్పుకోక‌పోవ‌డం జ‌రుగుతున్న నేప‌థ్యంలో అత‌డికి లేడీ ఫోటోగ్రాఫ‌ర్ లీల‌తో ప‌రిచ‌యం ఏర్ప‌డుతుంది. అది కాస్తా ప్రేమ‌గా మారుతుంది.పక్కా బ్రాహ్మణుడైన అతడు క్రైస్తవ అమ్మాయిలీల‌తో ప్రేమలో పడతాడు. ఈ క్రమంలో వారికి ఎదురయ్యే సంఘటనలు, సన్నివేశాలు నవ్వులు పూయిస్తున్నాయి.
సాంప్రదాయం, ఆచారాలు, కట్టుబాట్లను నిష్టగా ఆచరించే సుందరం కుటుంబం అతడి వివాహానికి ఒప్పుకుంటుందా? లేదా? అన్నది తెలియాలంటే ఈ సినిమాను థియేటర్లలో చూడాల్సిందే.