“మర్డర్” ఎవరినీ కించపరచదు : ఆర్జీవీ

సంచలన ద‌ర్శ‌కుడు రామ్‌గోపాల్ వ‌ర్మ మిర్యాలగూడలో జరిగిన యదార్థ ఘటన ఆధారంగా తీసిన క‌ల్పిత చిత్రం “మ‌ర్డ‌ర్”. అయితే ఈ సినిమాను నిలిపివేయాలంటూ ‌అమృతా ప్రణయ్ కోర్టుకెక్కారు. ఈ సినిమాలో త‌న పేరు, ఫొటోలు వాడుకున్నారంటూ గ‌త నెల 29న ఆ సినిమా ద‌ర్శ‌క‌, నిర్మాత‌ల‌పై సూట్ ఫైల్ చేశారు. ఇప్ప‌టికే భర్త ప్రణయ్‌ హత్యతో రెండేళ్లుగా తీవ్ర మానసిక ఒత్తిడికి గురవుతున్నానని, కల్పిత స్టోరీలతో సినిమా చిత్రీకరించి తమ జీవితాలతో ఆటలాడుకోవడం సరికాదన్నారు. దీంతో ఈ సినిమాను త‌క్ష‌ణ‌మే నిలిపివేసేలా మ‌ధ్యంత‌ర ఉత్వ‌ర్వులు జారీ చేయాల‌ని న్యాయ‌స్థానానికి విన్న‌వించారు. త‌న భ‌ర్త హ‌త్య ఘ‌ట‌న ఆధారంగానే ఈ సినిమా తీస్తున్నార‌ని శుక్ర‌వారం జ‌రిగిన న‌ల్ల‌గొండ జిల్లా కోర్టు విచార‌ణ‌లో అమృత మ‌రోసారి తెలిపారు. అయితే ఈ కేసులో కౌంట‌ర్ దాఖ‌లు చేసిన ఆర్జీవీ… తాను ఎవ‌రినీ కించ‌ప‌రిచేలా సినిమా తీయ‌లేద‌ని స్ప‌ష్టం చేశారు. 30 ఏళ్లుగా సినిమాలు తీస్తున్నాన‌ని పేర్కొన్నారు. ఇరువురి వాద‌న‌లు విన్న న్యాయ‌స్థానం తదుప‌రి విచార‌ణ‌ను ఈ నెల 19కి వాయిదా వేసింది.