కేంద్ర ప్రథకాలను తెలంగాణ ప్రభుత్వం అమలు చేయడం లేదని నిజామాబాద్ బీజేపీ ఎంపీ ధర్మపురి అరవింద్ అన్నారు.ఈ విషయమై నిన్న అమిత్ షా పర్యటనలో స్పష్టమైన సంకేతాలిచ్చారని తెలిపారు. కామారెడ్డిలో బీజేపీ సభ్యత్వ నమోదు కార్యక్రమం ప్రారంభించారు. ఈ సందర్భంగా అరవింద్ మాట్లాడుతూ ఈ సందర్భంగా టీఆర్ఎస్ పై ఆయన విరుచుకుపడ్డారు. కుటుంబపాలనకు స్వస్తి పలకాలని అన్నారు.
ప్రపంచంలోనే అతిపెద్ద పథకం “ఆయుష్మాన్ భవ”ను తెలంగాణలో అమలు చేయడం లేదని విమర్శించారు. నిజామాబాద్ జిల్లాలో పసుపు రైతుల ఇబ్బందుల తీర్చే రోజు దగ్గరకు వచ్చిందన్నారు. ఆ సమస్యను పరిష్కరించిన రోజున సీఎం కేసీఆర్ తమ నెత్తిపై గుడ్డ వేసుకుని కూర్చోవాల్సి వస్తుందంటూ దుయ్యబట్టారు. ఆవాస్ యోజన కోసం కేంద్ర ప్రభుత్వం తెలంగాణాకు ఇచ్చిన నిధులను కమిషన్ ల కొరకు ప్రాజెక్టులనిర్మాణాలకు ఈ ప్రభుత్వం మళ్లిస్తోందని ఆరోపించారు.