కన్న తల్లా ? లేక కసాయా ?… నెలల కూతురిని ఏం చేసిందంటే ?

అమెరికాలోని టేనస్సీకి చెందిన ఓ మహిళ నెల వయసు గల తన కూతురుతో అమానుషంగా ప్రవర్తించింది. ఒక చేతితో దమ్ము కొడుతూ మరో చేతితో పసికందును పైకి ఎత్తి గాలిలో తిప్పడం చేసింది. అదేదో ఘనకార్యం చేస్తున్నట్టు తన చర్యను ఫేస్‌బుక్‌ లైవ్ వీడియోలో పెట్టిందామె. ఆ వీడియో చూసిన నెటిజన్లు పోలీసులకు ఫిర్యాదు చేయడంతో సదరు మహిళను అదుపులోకి తీసుకున్నారు. వివరాల్లోకి వెళితే… టైబ్రేషా సెక్స్టన్(24) అనే మహిళ ఈ దారుణానికి పాల్పడిందని హామిల్టన్ కౌంటీ పోలీసులు తెలిపారు. ఆదివారం చట్టనూగాలోని టైబ్రేషా ఇంటికి వెళ్లిన పోలీసులు ఆమెను అరెస్ట్ చేశారు. ఆమెను అరెస్ట్ చేయడానికి వెళ్లిన పోలీసులతో కూడా దురుసుగా ప్రవర్తించింది. ఆ చిన్నారి తనకు అవసరం లేదని, పాపను చంపేయాలనే అలా చేశానని పోలీసులతో చెప్పిందట. ఆ సమయంలో ఆమె నుంచి మద్యం సేవించిన వాసన రావడంతో ఇంట్లో వెతికితే ఖాళీ లిక్కర్ బాటిళ్లు కనిపించాయని పోలీసులు పేర్కొన్నారు. టైబ్రేషాపై పిల్లల పట్ల నిర్లక్ష్యంగా వ్యవహారించడం కింద కేసు నమోదు చేశారు. అక్టోబర్ 4న ఆమెను కోర్టులో హాజరుపరచనున్నారు.