మరో అత్యాచారం.. ఇద్దరు మైనర్లే.. చట్టం ఏమి చేస్తుందో..

ఎన్ని చట్టాలు తెచ్చినా స్త్రీలపై అత్యాచారాలు మాత్రం ఆగటంలేదు. తాజాగా, విశాఖపట్టణం పరిధిలోని ప్రహ్లాదపురంలో దారుణం జరిగింది. పక్కింట్లో నివసించే ఏడేళ్ల బాలికపై 16 ఏళ్ల బాలుడు అత్యాచారానికి తెగబడ్డాడు. ఈ నెల నాలుగో తేదీన ట్యూషన్‌కు వెళ్లిన బాలిక తిరిగి ఇంటికి రాకపోవడంతో ఆందోళన చెందిన తల్లిదండ్రులు చుట్టుపక్కల ప్రాంతాల్లో గాలించారు.

అనుమానం వచ్చి పక్కింట్లో వెతికారు. ఆ సమయంలో బాలుడు, బాలిక ఇద్దరే అక్కడ ఉన్నారు. దీంతో బాలికపై బాలుడు అత్యాచారానికి పాల్పడినట్టు గుర్తించిన చిన్నారి తల్లిదండ్రులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు నిందితుడిని అదుపులోకి తీసుకున్నారు. వైద్య పరీక్షల నిమిత్తం బాలికను ఆసుపత్రికి తరలించారు.