ప్రపంచంలోనే అత్యుత్తమైన జట్టు ముంబై ఇండియన్సే అనడంలో ఎలాంటి సందేహం లేదన్నాడు ఇంగ్లండ్ మాజీ కెప్టెన్ మైకేల్ వాన్ తెలిపాడు. రోహిత్ అసాధారణమైన కెప్టెన్ అని, మైదానంలో అతను తీసుకునే నిర్ణయాలు చాలా తెలివిగా ఉంటాయని కొనియాడాడు. తాజాగా ఇచ్చిన ఇంటర్వ్యూలో ఈ ఇంగ్లండ్ మాజీ క్రికెటర్ ఆసక్తికర విషయాలు పంచుకున్నాడు. ఇంగ్లండ్ పర్యటనలో భారత జట్టుకు ఓటమి తప్పదని, ఈ తరం క్రికెట్‌లో విరాట్ కోహ్లీ, జోరూట్, కేన్ విలియమ్సన్, స్టీవ్ స్మిత్, బాబర్ అజామ్‌లు అత్యుత్తమ ఆటగాళ్లని తెలిపాడు. భారత్-ఇంగ్లండ్ మధ్య సిరీస్‌లో ఆతిథ్య జట్టే సులువుగా విజయం సాధిస్తుందన్న వాన్.. ప్రతీసారి భారత్‌లో ఇంగ్లండ్ ఓడటం.. ఇంగ్లండ్ గడ్డపై టీమిండియా ఖంగుతినడం సాధారణమేనని తెలిపాడు.అయితే ముంబై ఇండియన్స్ జట్టులో ఏ ఆటగాడిని ఇంగ్లండ్ టీమ్‌లో ఉండాలనుకుంటావని ప్రశ్నించగా.. రోహిత్ శర్మ పేరు సూచించాడు. ధోనీ, విరాట్ కోహ్లీలో అత్యుత్తమ సారథి ఎవరనగా ఈ ఇంగ్లండ్ మాజీ కెప్టెన్ ధోనీకే ఓటేశాడు. పరిమిత ఓవర్ల ఫార్మాట్‌లో ధోనీ బెస్ట్ అయితే.. సుదీర్ఘ ఫార్మాట్‌లో విరాట్ ఉత్తమమన్నాడు. కానీ ఓవరాల్‌గా ధోనీనే అత్యుత్తమమని తెలిపాడు. రోహిత్ శర్మ-విరాట్ కోహ్లీలలో ఎవరి బ్యాటింగ్ చూడటానికి ఇష్టపడతావు అని ప్రశ్నించగా.. విరాట్ పేరు సూచించాడు. సోషల్ మీడియాలో వచ్చే విమర్శలను ఏమాత్రం పట్టించుకోనని వాన్ స్పష్టం చేశాడు.
ఐపీఎల్ లో ముంబై ఇండియన్స్ జట్టుకు ఆడుతా : మైకేల్ వాన్
