చిరు 152వ చిత్రం నేటి నుండి కోకాపేటలో వేసిన ప్రత్యేక సెట్లో చిత్ర షూటింగ్ జరుపుకుంటుంది. తొలి షెడ్యూల్లో మాస్ సాంగ్ తెరకెక్కించనున్నట్టు తెలుస్తుంది. ఈ చిత్రం సోషియో థీమ్తో తెరకెక్కనుందని తెలుస్తుండగా, ఎండోమెంట్స్ విభాగం మరియు దేవాలయాల నిర్లక్ష్యం సమాజంపై ఎంత చెడు ప్రభావం చూపుతాయి అనేది ఈ సినిమా ద్వారా చూపించనున్నారటని టాక్. ఇక చిరు పాత్ర దేవాదయ, ధర్మా దయ శాఖలో పనిచేసే ఉద్యోగి అని సమాచారం . అంతేకాదు ఆలయ భూములను ఆక్రమించటానికి ప్రయత్నించే వారిపై అతను ఎలా చర్యలు తీసుకుంటాడు అనేది ఈ చిత్రానికి ప్రధాన కథాంశంగా తెలుస్తుంది. కొద్దిరోజుల క్రితం మణిశర్మ, కొరటాల శివ థాయిలాండ్ వెళ్లి మ్యూజిక్ సిట్టింగ్స్ లో పాల్గొన్నారు. సినిమాకి మంచి ట్యూన్స్ సిద్ధం చేస్తున్నారు. కొరటాల దర్శకత్వంలో తెరకెక్కుతున్న ఈ సినిమాని రామ్చరణ్, నిరంజన్ రెడ్డి నిర్మిస్తున్నారు. చిత్రంలో త్రిష కథానాయికగా నటించనున్నట్టు తెలుస్తుంది. ఆగస్ట్ 14న సినిమాని రిలీజ్ చేసే ఆలోచనలో ఉన్నారట మేకర్స్.
previous post
తమ గదికి రాలేదని సినిమాల నుంచి తొలగించిన నీచులు… రిచా చద్దా సంచలన వ్యాఖ్యలు