దళపతి విజయ్ హీరోగా, మక్కల్ సెల్వన్ విజయ్ సేతుపతి విలన్గా నటిస్తున్న తమిళ సినిమా ‘మాస్టర్’. ‘ఖైదీ’ సినిమాతో ఆకట్టుకున్న లోకేష్ కనకరాజ్ దర్శకత్వంలో, ఎక్స్బీ ఫిల్మ్ క్రియేటర్స్ సంస్థ నిర్మిస్తున్న ఈ సినిమాలో మాళవిక మోహనన్ కథానాయికగా కాగా ఆండ్రియా, శాంతను కీలక పాత్రలు పోషిస్తున్నారు. ఇప్పటి వరకు విడుదల చేసిన ఫస్ట్ అండ్ సెకండ్ లుక్స్ ఆకట్టుకున్నాయి. తాజాగా ఈ సినిమా నుండి మూడో లుక్ రిలీజ్ చేశారు. ఈ పోస్టర్లో ఓ వైపు దళపతి, మరోవైపు సేతుపతి ముఖాలపై గాయాలతో కనిపించారు. ఇద్దరూ ఎదురెదురుగా ఒకరిని చూసి మరొకరు అరుస్తూ ఉన్నారు. ఇద్దరూ షర్ట్ లెస్గా ఉండడంతో విజయ్ సిక్స్ ప్యాక్తో కనిపిస్తాడేమోనని ఫ్యాన్స్ భావిస్తున్నారు. విజయ్ సేతుపతి ఓ వైపు హీరోగా నటిస్తూనే విలన్ పాత్రలతోనూ సత్తా చాటుతున్న సంగతి తెలిసిందే. ఇద్దరు విజయ్లు కలిసి నటిస్తున్న ఈ చిత్రంపై భారీ అంచనాలున్నాయి. ఈ చిత్రానికి అనిరుధ్ సంగీతం అందిస్తున్నారు.