మంచు విష్ణు తన కెరీర్‌లో ఢీ సినిమా తరువాత అంతటి హిట్ మళ్లీ అందుకోలేదు. అందుకే ఎలాగైనా భారీ హిట్ కొట్టాలని మోసగాళ్లు సినిమాను రూపొందిస్తున్నారు. ఈ సినిమాలో కాజల్ అతడి సోదరి పాత్రలో నటించారు. అయితే ఇటీవల విష్ణు ఈ సినిమా గురించి ఆసక్తికర విషయాలను పంచుకున్నారు. ఈ సినిమాలో మొదటగా తన సోదరి పాత్ర కోసం బాలీవుడ్ హీరోయిన్ ప్రీతి జింటాను కలిశారంట. అయితే ఈ సినిమా కథ విన్నాక ఆమె తిరస్కరించారు. అమెరికాకు సంబంధించిన స్కామ్ అనగానే ఆమె నన్ను ఆపే ప్రయత్నం చేశారు. అంతేకాకుండా ఈ సినిమా తీస్తే తనను కొడతారని, తన కుటుంబం అమెరికాలోనే ఉంటున్నారని అన్నారు. ఆ తరువాత వెంటనే విష్ణు కాజల్‌కు ఫోన్ చేశారంట. నిజమైన కథ కాబట్టి బాగుంటుందని కాజల్ ఓకే చేశారంట. ఇదిలా ఉంటే ఈ సినిమా తన మార్కెట్ కన్నా ఎక్కువ బడ్జెట్‌తో చేస్తున్నాని, సినిమా పక్కా అంతటి విషయం సాధిస్తుందని విష్ణు నమ్మకంగా ఉన్నారు. ఈ సినిమా పాన్ ఇండియా రేంజ్‌లో చిత్రీకరించారు. ప్రస్తుతం ఈ సినిమాపై ప్రేక్షకుల్లో అంచనాలు భారీగానే ఉన్నాయి. చూడాలి మరి ఈ సినిమా ఎప్పుడు వస్తుంది… అనేది.
మోసగాళ్లు సినిమాలో విష్ణు సోదరి పాత్రకు మొదట..?
