ఈ రోజు (శనివారం) నటి సౌందర్య జయంతి. ఈ సందర్భంగా మంచు హీరో మనోజ్ సోషల్ మీడియా ద్వారా సౌందర్యకు నివాళులర్పించాడు. `సౌందర్యగారి జయంతి సందర్భంగా ఆమెను గుర్తు చేసుకుంటున్నాను. మీరు అద్భుతమైన నటి, గొప్ప వ్యక్తిత్వం గల మనిషి. మిమ్మల్ని మిస్ అవుతున్నా సినీ అమ్మా. మీరు ఎక్కడున్నా ప్రశాంతంగా ఉండాల`ని మంచు మనోజ్ ట్వీట్ చేశాడు. మహానటి సావిత్రి తర్వాత తెలుగు వారిని బాగా ఆకట్టుకున్న హీరోయిన్ సౌందర్య. సౌత్ లో దాదాపు అగ్ర హీరోలందరి సరసనా నటించి స్టార్ హీరోయిన్‌గా వెలుగొందింది. అయితే సౌందర్య 2004లో ఓ విమాన ప్రమాదంలో మరణించారు. ఇక మంచు మనోజ్ సొంతంగా ఎంఎం ఆర్ట్స్ అనే నిర్మాణ సంస్థను స్థాపించి తొలి చిత్రం ‘అహం బ్రహ్మాస్మి’ని నిర్మిస్తున్నట్టు ఇటీవల ప్రకటించారు. ఇటీవల ఈ చిత్ర ఫస్ట్ లుక్‌ను విడుదల చేశారు. శ్రీకాంత్ ఎన్. రెడ్డి దర్శకత్వం వహిస్తోన్న ‘అహం బ్రహ్మాస్మి’ని తెలుగుతో పాటు తమిళ, కన్నడ, మలయాళం, హిందీ భాషల్లో పాన్ ఇండియా మూవీగా నిర్మిస్తున్నారు.
మిమ్మల్ని మిస్ అవుతున్నా సినీ అమ్మా… సౌందర్యను గుర్తు చేసుకున్న మంచు మనోజ్
