నాని కథానాయకుడిగా, గౌతమ్ తిన్ననూరి దర్శకత్వంలో ‘జెర్సీ’ రూపొందుతోంది. రంజీ క్రికెట్ నేపథ్యంలో సాగే ఈ కథలో నాని క్రికెటర్ గా కనిపించనున్నాడు. ఆయన జోడీగా శ్రద్ధా శ్రీనాథ్ నటిస్తోంది. తాజాగా ఈ సినిమా నుంచి ఒక లిరికల్ వీడియో సాంగ్ ను రిలీజ్ చేశారు. “అదేంటోగాని ఉన్నపాటుగా .. అమ్మాయి ముక్కుమీద నేరుగా .. తరాలనాటి కోపమంత ఆ ఎరుపేగా .. నాకంటూ ఒక్కరైనా లేరుగా .. నన్నంటుకున్న తారవే నువ్వా .. నాకున్న చిన్ని లోకమంత నీ పిలుపేగా ..” అంటూ ఈ పాట సాగుతోంది.
ఈ సినిమాకి అనిరుధ్ సంగీతాన్ని సమకూర్చాడు. కృష్ణకాంత్ సాహిత్యం .. అనిరుధ్ ఆలాపన ఆకట్టుకునేలా ఉన్నాయి. సూర్యదేవర నాగవంశీ నిర్మిస్తోన్న ఈ సినిమా త్వరలోనే ప్రేక్షకులను పలకరించనుంది. కొంతకాలంగా తన సినిమాల ఫలితాలు నిరాశపరుస్తూ ఉండటంతో, నాని ఈ సినిమాపైనే ఆశలు పెట్టుకున్నాడు. ఇక శ్రద్ధా శ్రీనాథ్ కెరియర్ ఊపందుకోవడం కూడా ఈ సినిమా రిజల్ట్ పైనే ఆధారపడి ఉంటుంది.
చిరంజీవి, మహేష్ బాబు ఇప్పుడేమయ్యారు ?… జర్నలిస్ట్ శ్వేతారెడ్డి సంచలన వ్యాఖ్యలు