సంచలన దర్శకుడు రామ్ గోపాల్ వర్మ దివంగత నేత, తెలుగుదేశం పార్టీ వ్యవస్థాపకుడు నందమూరి తారకరామారావు జీవితం ఆధారంగా “లక్ష్మీస్ ఎన్టీఆర్” చిత్రాన్ని తెరకెక్కిస్తున్నారు. ఈనెల 29న విడుదల కానున్న ఈ సినిమాకు ఇప్పటికే విపరీతమైన హైప్ క్రియేట్ అయ్యింది. తాజాగా ఈ చిత్రం ప్రసాద్ ల్యాబ్స్ లో సెన్సార్ కార్యక్రమాలను పూర్తి చేసుకుంది. సినిమాను చూసిన సెన్సార్ సభ్యులు కొన్ని కట్స్ విధించి, “యూ” సర్టిఫికెట్ ను జారీ చేశారు. ఇక ఈ చిత్రం ఎలాంటి అడ్డంకులూ లేకుండా ఈనెల 29న విడుదల కానుంది.
మరో రెండు రోజుల్లో విడుదల కానున్న ఈ చిత్రం అడ్వాన్స్ బుకింగ్స్ ఓపెన్ కాగా, 10 నిమిషాల వ్యవధిలో ఓ మల్టీ ప్లెక్స్ లో 1000 టికెట్లు అమ్ముడయ్యాయి. ఈ విషయాన్ని స్వయంగా రామ్ గోపాల్ వర్మ ట్వీట్ ద్వారా తెలిపారు. “ఓపెనింగ్స్ స్పీడ్ చూస్తుంటే కథానాయకుడు, మహానాయకుడు కన్నా లక్ష్మీస్ ఎన్టీఆర్ ని చూడడానికే ప్రజలు ఎగబడుతున్నారు, అంటే నిజంగా నిజమే గెలిచిందనడంలో ఏ మాత్రం సందేహం లేదు. జై బాలయ్య” అంటూ ట్వీట్ చేశారు వర్మ. అంతేకాదు హైదరాబాద్ లోని ఏఎంబీ సినిమాస్ లో హౌస్ ఫుల్ అయినట్టు థియేటర్ సీటింగ్ స్క్రీన్ షాట్ ను కూడా పోస్ట్ చేశారు.
ఓపెనింగ్స్ స్పీడ్ చూస్తుంటే😎 కథానాయకుడు మహానాయకుడు కన్నా 🙄లక్ష్మీస్ ఎన్టీఆర్ ని చూడడానికే ప్రజలు ఎగబడుతున్నారు, 😜అంటే నిజంగా నిజమే గెలిచిందనడంలో ఏ మాత్రం సందేహం లేదు💪💪💪. జై బాలయ్య💐💐💐 pic.twitter.com/sZnczj7WMb
— Ram Gopal Varma (@RGVzoomin) March 26, 2019