కర్నాటక బెంగుళూరు మారుతీ నగర్‌లో 32 ఏళ్ల మహిళ సహాయ దర్శకురాలిగా పనిచేస్తున్నారు 2018లో ఆమెకు ఫేస్‌బుక్‌లో ఓ వ్యక్తితో పరిచయం అయ్యింది ఆ పరిచయం కాస్త ప్రేమకు దారితీసింది. ఇద్దరూ కొంతకాలం పాటు ప్రేమించుకున్నారు. పెళ్లి కూడా చేసుకుంటానని అతడు నమ్మించడంతో శారీరకంగా కూడా ఇద్దరూ ఒక్కటయ్యారు. ఆ తర్వాత అతడిని పెళ్లి చేసుకోవాలని కోరగా మొహం చాటేశారు. ఇంట్లోవాళ్లు చూసిన యువతిని పెళ్లి చేసుకుంటానని చెప్పాడు. అయితే తమ మధ్య ఉన్న ప్రేమ విషయాన్ని ఇతరులతో చెబితే ఆత్మహత్య చేసుకుంటానని బెదిరించాడు. అనంతరం సొణ్ణేనహళ్లిలో అద్దె ఇంటిలో కాపురం పెట్టారు. ప్రేమ పేరుతో మోసం చేయడమే కాకుండా అవసరాలు ఉన్నాయంటూ పలుమార్లు ఆమె వద్ద నుంచి లక్షల రూపాయలు తీసుకున్నాడు. ఈ ఏడాది జనవరి 12 తేదీన మరో రూ.5 లక్షలు ఇవ్వాలని కోరగా ఆమె నిరాకరించింది. ఆ తర్వాత అతను అడ్రస్ లేకుండా పోయాడు. ఫోన్‌ కూడా స్విచ్చాప్‌ చేశాడు. దీంతో బాధితురాలు తాను మోసపోయానని తెలుసుకొని బసవనగుడి మహిళా పోలీస్‌స్టేషన్‌లో ఫిర్యాదు చేసింది. కేసు నమోదు చేసుకున్న పోలీసులు ప్రియుడి కోసం గాలిస్తున్నారు.
మోసపోయిన లేడీ అసిస్టెంట్ డైరెక్టర్… శారీరకంగా వాడుకోవడమే కాకుండా…!?
