సుశాంత్ సింగ్ రాజ్‌పుత్ చివరి సారిగా నటించిన దిల్ బేచారా సినిమా విడుదలైన విషయం తెలిసిందే. ఈ చిత్రం చూసిన సెలబ్రిటీలు సుశాంత్ నటనతో పాటు దర్శకత్వ ప్రతిభ గురించి ప్రశంసలు కురిపించారు. తాజాగా సుశాంత్ మాజీ గర్ల్‌ఫ్రెండ్ కృతిసనన్ ఇన్‌స్టాగ్రామ్ ద్వారా స్పందించింది. సినిమా చూశాక తన మనసు మరోసారి విరిగిందని పోస్టు చేసింది. మ్యానీ పాత్ర చూస్తుంటే నువ్వు మళ్ళీ తిరిగి వచ్చావు అనిపిస్తుంది. స్క్రీన్‌పై కనిపించినప్పుడల్లా బతికే ఉన్నావు అనిపిస్తుంది అని కృతి ఆవేదన వ్యక్తం చేసింది. ఏ సినిమాలో అయినా పాత్ర కోసం సుశాంత్ ఎంతగా ఇన్వాల్వ్ అవుతావో తనకు తెలుసంది. నీ మౌనం కూడా ఎన్నో విషయాలని చెబుతుంది అంటూ కృతి ఎమోషనల్ అయ్యింది. దర్శకుడు ముఖేష్ చాబ్రా గురించి మాట్లాడుతూ “మీ మొదటి సినిమాతోనే మమ్మల్ని భావోద్వేగానికి గురి చేశారు. ఈ సినిమా మీకు ఎంత స్పెషల్ అన్నది నాకు తెలుసు. సంజనా సంఫీుకి ఇండస్ట్రీలో మంచి భవిష్యత్తు ఉండాలని కోరుకుంటున్నాను” అంటూ చిత్ర యూనిట్ సభ్యులందరికి కూడా శుభాకాంక్షలు తెలిజేసింది కృతిసనన్. సుశాంత్ సినిమాను చూసిన వారంతా మరోసారి భావోద్వేగానికి గురవుతున్నారు. ఆయన అభిమానులు తోటి నటులు సుశాంత్‌ను గుర్తు చేసుకుంటూ తీవ్ర ఆవేదన వ్యక్తం చేస్తున్నారు.
స్క్రీన్‌పై కనిపించినప్పుడల్లా బతికే ఉన్నావు అనిపిస్తుంది… సుశాంత్ పై కృతి సనన్ ఎమోషనల్ పోస్ట్
రనూమండల్‌ పై హిమేష్ రేష్మియా ఘాటు వ్యాఖ్యలు