నెల్లూరు రూరల్ వైసీపీ ఎమ్మెల్యే కోటంరెడ్డి శ్రీధర్ రెడ్డికి చెందిన కారు రోడ్డు ప్రమాదానికి గురైంది. తెట్టు జంక్షన్ వద్ద శ్రీధర్ రెడ్డి కారు మరో వాహనాన్ని ఢీకొంది. ఈ ప్రమాదంలో శ్రీధర్ రెడ్డి కారు ముందు భాగం తుక్కుతుక్కు అయింది. ప్రమాద సమయంలో శ్రీధర్ రెడ్డి లేకపోవడంతో పెద్ద ముప్పు తప్పినట్టైంది. ఆరోగ్యం బాగోలేకపోవడంతో ఆయన ఇంటివద్దే ఉన్నట్టు తెలుస్తోంది. ఆ సమయంలో డ్రైవర్ మాత్రమే కారులో ఉన్నాడు. అతనికి కూడా గాయాలు కాకపోవడంతో అందరూ ఊపిరి పీల్చుకున్నారు.
కారు డ్రైవర్ ఒక పని మీద విజయవాడకు వెళ్తుండగా ఈ ప్రమాదం జరిగింది. డ్రైవర్ ఎయిర్ బెలూన్ల సాయంతో బయటపడ్డాడు. ప్రమాదంపై కోటంరెడ్డి కూడా ఆరా తీశారు. కారు ఢీకొట్టిన వాహనం అక్కడి నుంచి వెంటనే వెళ్లిపోయినట్లు తెలుస్తోంది.