మెగా హీరో వైష్ణవ్ తేజ్ కథానాయకుడిగా ఫస్ట్‌ ఫ్రేమ్‌ ఎంటర్‌టైన్‌మెంట్స్‌ పతాకంపై తెరకెక్కిన చిత్రం ‘కొండపొలం’. క్రియేటివ్‌ డైరెక్టర్‌ క్రిష్ జాగర్లమూడి దర్శకత్వంలో రకుల్‌ప్రీత్‌ సింగ్‌ హీరోయిన్ గా నటిస్తోంది.. ఇటీవల ఈ మూవీ నుంచి వచ్చిన ఫస్ట్‌లుక్‌, టీజర్‌లకు విశేషణ స్పందన వచ్చింది.
ఇందులో ఓబులమ్మ అనే పల్లెటూరి అమ్మాయిగా రకుల్‌ప్రీత్‌ సింగ్‌ నటించింది. వైష్ణవ్, రకుల్ జోడి తెరపై ఓ కొత్త అనుభూతిని పంచుతుందని చిత్రబృందం భావిస్తోంది. గొర్రెల కాపరిగా వైష్ణవ్ తేజ్.. రకుల్‌ను ఊహించుకుంటూ ఈ పాట పాడుతుంటే.. లంగావోణిలో రోలు తప్పితూ ఈ పాటలో గొంతు కలిపింది రకుల్. ఈ సాంగ్‌లో వైష్ణవ్-రకుల్ మధ్య కెమిస్ట్రీ బాగా పడింది.
కాగా, తాజాగా రకుల్ ప్రీత్ పాత్రను తెలియజేస్తూ ‘ఒబులమ్మ’ పాటను విడుదల చేయగా, మంచి రెస్పాన్స్ వస్తోంది. వీరి లవ్‌ ట్రాగ్‌ పాటకు అట్రాక్షన్‌గా నిలిచిందని చెప్పుకొవచ్చు. ఈ పాటకు కీరవాణి మ్యూజిక్ అందించారు.
సాయిబాబు జాగర్లమూడి, రాజీవ్‌రెడ్డి నిర్మించారు. సన్నపురెడ్డి వెంకటరామిరెడ్డి రాసిన కొండపొలం నవల ఆధారంగా రూపొందిన ఈ చిత్రం, అక్టోబరు 8న ప్రేక్షకుల ముందుకొస్తోంది. అటవీ ప్రాంతాల్లో నివసించే ప్రజల జీవన విధానం ఆధారంగా క్రిష్ ఈ మూవీని తెరకెక్కిస్తున్నాడు.