telugu navyamedia
రాజకీయ వార్తలు

ఆర్టికల్‌ 370 రద్దు పై ఎల్‌కే అద్వానీ హర్షం!

advani from bjp to loksabha

జమ్మూకశ్మీర్‌కు ప్రత్యేక ప్రతిపత్తి కల్పించే ఆర్టికల్‌ 370ని రద్దు చేయడంపై బీజేపీ అగ్రనేత ఎల్‌కే అద్వానీ హర్షం వ్యక్తం చేశారు. ఆర్టికల్‌ 370ని రద్దు చేయడాన్ని సాహసోపేత నిర్ణయంగా వర్ణించారు. ఈ సందర్భంగా అద్వానీ మాట్లాడుతూ.. అధికరణను రద్దు చేయడం బీజేపీ మూల సిద్ధాంతాల్లో ఒకటని తెలిపారు. జనసంఘ్ రోజుల నుంచే ఈ ప్రతిపాదనలు ఉన్నాయని ఆయన గుర్తుచేశారు.

జమ్ముకశ్మీర్ లో శాంతి, సుఖ సంతోషాల దిశగా చారిత్రాత్మక నిర్ణయం తీసుకోవడం ఇదో గొప్ప ముందడుగని అభివర్ణించారు. ఈ సాహసోపేతమైన నిర్ణయం తీసుకున్న ప్రధాని మోదీ, హోం మంత్రి అమిత్ షాకు అద్వానీ అభినందనలు తెలిపారు. జమ్ముకశ్మీర్‌, లడఖ్‌లో శాంతి, సుఖ సంతోషాల స్థాపనలో ఈ నిర్ణయం కీలకంగా మారనుందని ఆయన పేర్కొన్నారు.

Related posts